ધારી તાલુકાના દેવળા ગામ નજીક અશ્વિનભાઈ સાંગાણીની વાડીમાં આવેલા સ્ટાર્ટરની ઓરડીમાં મહાકાય અજગર ઘૂસી જતાં વાડી માલિક સહિત આસપાસના લોકોમાં ચકચાર મચી હતી.
અજગર દેખાતા તાત્કાલિક રમેશભાઈ કાતરીયાને જાણ કરવામાં આવી હતી. જાણ મળતાં તેઓ ઘટનાસ્થળે પહોંચી રેસ્ક્યુ કામગીરી હાથ ધરી હતી. ભારે જહેમત બાદ મહાકાય અજગરને સુરક્ષિત રીતે પકડી લેવામાં આવ્યો હતો.
ત્યારબાદ અજગરને સુરક્ષિત રીતે જંગલ વિસ્તારમાં લઈ જઈ કુદરતી વાતાવરણમાં મુક્ત કરવામાં આવ્યો હતો. અજગરનું સફળ રેસ્ક્યુ થતાં વાડી માલિક અને ગ્રામજનોએ રાહતનો શ્વાસ લીધો હતો.