નિર્મલા કોન્વેન્ટ સ્કૂલ રોડ પર આવેલ બાલમુકુંદ સોસાયટી શેરી નંબર ૪ શેફાલી ટાવર પાછળ રહેતા મોતીલાલ અભિભાઈ સેનાપતિએ વતન માટે નીકળેલ પુત્ર બે દિવસ થયા તો પણ વતન ન પહોંચતા ગુમ થયાની ગાંધીગ્રામ પોલીસ સ્ટેશનમાં જાણ કરી છે.

મોતીલાલ અભીભાઈ સેનાપતિએ પોલીસ સ્ટેશન પહોંચી જણાવ્યું હતું કે, પુત્ર સુમિત ગત તા.૧૧ ના રોજ સવારે ૧૧ વાગ્યે પિતા પાસેથી રૂ.૨૦૦૦ લઈ વતન ઓરિસ્સા કાલાહાડી જિલ્લાના બીનીકેલા ગામ જવા નીકળ્યો હતો. પરંતુ બે દિવસ થયા છતાં સુમિત વતન ન પહોંચતા તેઓ ચિંતાતુર બન્યા હતાં. બાદમાં તેમણે આ અંગે પોલીસને જાણ કરી છે. યુવક પાસે કોઈ મોબાઈલ ફોન પણ ન હતો. યુવાન ગુમ થયા અંગેની પોલીસે નોંધ કરી તેની શોધખોળ શરૂ કરી છે. યુવાન અંગે કોઇને માહિતી હોય તો મોબાઇલ નં. ૯૬૬૨૨ ૧૫૯૬૨ જાણ કરવા યુવાનના પિતાએ જણાવ્યું છે.