પોલીસ સૂત્રોમાંથી મળતી વિગતો મુજબ રાજકોટ શહેરના પીસીબી બ્રાન્ચના પીઆઇ એમ આર ગોંડલીયાના માર્ગદર્શન હેઠળ પીઆઇ એમ જે હૂણની રાહબરીમા પીએસઆઇ પી બી ત્રાજિયા અને ટીમ પેટ્રોલિંગમાં નીકળી હતી તે દરમિયાન કરણ મારુ અને રાહુલગીરીને મળેલ ચોક્કસ બાતમીના આધારે સરદાર નગર મેઇન રોડ પર કારને અટકાવી તલાસી લેતાકારમાંથી 70 બોટલ વિદેશી દારૂ મળી આવતા કાર જીજે 14 એએ 6800 તેમજ દારૂ સહિત 91,000 ના મુદ્દા માલ સાથે કારના ચાલક રાજ અનિલભાઈ સગપરીયા ઉમર 24 રહે આસોપાલવ સોસાયટી મહુડી રોડ રાજકોટ વાળાની ધરપકડ કરી ધોરણસરની કાર્યવાહી હાથધરી હતી.

ઝડપાયેલા આરોપી રાજની પૂછપરછમાં આ દારૂ પોતે પંજાબ બોર્ડરેથી લઈ આવ્યો હોવાનું તેમજ અગાઉ પણ પ્રોહિબિશનના ગુનામાં પોલીસ ચોપડે ચડી ચૂક્યા ની કબુલાત આપતા આરોપી ના રિમાન્ડ મેળવવા પીસીબી બ્રાન્ચે કાર્યવાહી શરૂ કરી છે.

આ અંગેની કામગીરીમાં પી.આઈ એમ.આર ગોંડલીયા, પીઆઇ એમ જે હૂણ ,પીએસઆઇ પી બી ત્રાજિયા, એએસઆઈ મયુર પાલરીયા,સંતોષભાઈ મોરી, દેવરાજભાઈ, વિરેન્દ્રસિંહ, કુલદીપસિંહ જાડેજા, કરણ મારુ,કિરતસિંહ, યુવરાજસિંહ, રાહુલગીરી, વિજય મેતા સહિતની ટીમ જોડાઈ હતી.