ગુજરાતના ભરૂચથી સગીરા સાથેના દુષ્કર્મ કેસની કોર્ટની સુનાવણીમાં હાજર રહેવા 24 વર્ષીય આરોપી સલમાન દિલ્હી ગયો હતો. દિલ્હીમાં તેણે દારૂના નશામાં ધૂત થઈ રસ્તા પર ચાલીને જતી 65 વર્ષની મહિલાનો પીછો કર્યો હતો. બાદમાં મહિલાની ક્રૂર હત્યા કરી હતી બાદમાં લાશને ઝાડીઓમાં ખેંચી ગયો અને તેના પર બળાત્કાર ગુજાર્યો હતો. ત્યારબાદ આરોપી ફરાર થઈ ગયો હતો. જોકે મહિન્દ્રા પાર્ક પોલીસે આરોપીની ગુજરાતથી ધરપકડ કરી હતી. પોલીસ પૂછપરછ દરમિયાન આરોપીએ સમગ્ર ઘટનાક્રમ અને ગુનાની કબૂલાત કરી હતી.

પોલીસ સૂત્રોના જણાવ્યા અનુસાર, 16 નવેમ્બરની સવારે આદર્શ નગર રેલ્વે સ્ટેશનના એક જીઆરપી કોન્સ્ટેબલે મહિન્દ્રા પાર્ક પોલીસ સ્ટેશનમાં એક મૃતદેહ વિશે પોલીસને જાણ કરી. તેમણે અર્ધ નગ્ન, લોહીથી લથપથ મહિલાનો મૃતદેહ મળી આવ્યો હોવાની જાણ કરી હતી. સ્થાનિક પોલીસ સ્ટેશનની પોલીસ અને વરિષ્ઠ અધિકારીઓ તાત્કાલિક ત્યાં પહોંચ્યા. માથા પર તીક્ષ્ણ હથિયારના નિશાન હતા અને તેના કપડાં ફાટેલા હતા. રેલ્વે સ્ટેશન નજીક ગાઢ ઝાડીઓમાં મળી આવેલા મૃતદેહની સ્થિતિએ જાતીય હુમલાની શંકા ઉભી કરી હતી.

ત્યાંથી પુરુષ અને સ્ત્રીના ચપ્પલ મળી આવ્યા હતા. તપાસ દરમિયાન મહિલાની ઓળખ થઈ હતી. તે હોલંબી કલાનની રહેવાસી હતી. તેના પતિએ તેને ઘણા સમય પહેલા ઘરમાંથી કાઢી મૂકી હતી. તે આઝાદપુર મંડીની આસપાસ મજૂરી કરીને પોતાનું ગુજરાન ચલાવતી હતી. તે રાત્રે આદર્શ નગર રેલ્વે સ્ટેશન પાસે સૂતી હતી. 15/16 નવેમ્બરની રાત્રે, મહિલા મંડીના કાંઠાની બાજુથી રેલ્વે સ્ટેશન તરફ ચાલીને જતી હતી. આ દરમિયાન તેની હત્યા કરવામાં આવી હતી.

પોલીસની પહેલી પ્રાથમિકતા આરોપી અને તેના ઈરાદાને જાણવાની હતી. પોલીસને ગુનાના સ્થળે બે સીસીટીવી કેમેરા લાગેલા જોવા મળ્યા. ફૂટેજમાં પોલીસે એક રાહદારીને ચપ્પલ (ફ્લોટર) પહેરીને તે રસ્તે જતો જોયો. પછી પરત ફરતી વખતે તે ઉઘાડા પગે હતો. બજારમાં તેના દેખાવને સ્કેન કરીને ટ્રેસ કરવામાં આવ્યો. કેટલાક લોકોએ આરોપીને ઓળખી કાઢ્યો. જ્યારે ઘર પર દરોડો પાડવામાં આવ્યો ત્યારે જાણવા મળ્યું કે તે ગુજરાતમાં હતો. જોકે, પરિવારે જણાવ્યું ન હતું કે તે કેસની તારીખે દિલ્હી આવ્યો હતો. જ્યારે પોલીસે અગાઉના ડેટા રેકોર્ડ તપાસ્યા ત્યારે જાણવા મળ્યું કે તેની કોર્ટની તારીખ 16 નવેમ્બર હતી. ટીમ કોર્ટની બહાર તૈનાત હતી, પરંતુ તે પહોંચ્યો નહીં. બાદમાં, તેનું લોકેશન ગુજરાત હોવાનું જાણવા મળ્યું.

સૂત્રોએ જણાવ્યું હતું કે આરોપી પર પહેલાથી સગીરાનું અપહરણ અને બળાત્કાર કરવાનો કેસ નોંધાયેલ છે. બીજો કેસ લૂંટનો છે. જુલાઈમાં બળાત્કારના કેસમાં તેને જામીન પર મુક્ત કરવામાં આવ્યો હતો. તેનો પરિવાર જહાંગીરપુરીમાં રહે છે. જેલમાંથી બહાર આવ્યા પછી, તે ગુજરાતના ભરૂચમાં રહેતો હતો. 16મી તારીખે તે જ બળાત્કારના કેસમાં તેની કોર્ટ ડેટ હતી. જેના માટે તે 15મી તારીખે સાંજે દિલ્હી પહોંચ્યો હતો. તે સાંજે તેણે દારૂ ખરીદ્યો અને પીધો. નશામાં ધૂત થઈને તે ખોટા ઈરાદા સાથે ફરતો હતો. રાત્રે લગભગ 11:30 વાગ્યે, તેણે એક મહિલાને નિર્જન રસ્તા પર એકલી ચાલતી જોઈ અને તેની પાછળ ગયો. સલમાન પાસે નારિયેળનું કાચલું હતું. તેણે મહિલાને સ્ટેશનથી થોડે દૂર ખેંચવાનો પ્રયાસ કર્યો. જ્યારે મહિલાએ પ્રતિકાર કર્યો, ત્યારે તેણે તેના માથા પર કાચલાથી બે-ત્રણ ઘા માર્યા. મહિલા સંઘર્ષ કરતી પડી ગઈ અને ત્યાંથી ગીચ ઝાડીઓમાં ખેંચીને લઈ જવામાં આવી. આરોપીએ કબૂલાત કરી કે હત્યા પછી તેણે તેના શરીર સાથે દુષ્કર્મ કર્યું હતું.