બનાવની પ્રાપ્ત વિગત મુજબ મૂળ ગોંડલના વાસાવડના વતની અને હાલ રાજકોટના કોઠારીયામાં મધવપાર્કમાં રહેતા રસિકગીરી નારદગીરી ગોસાઈ (ઉ.વ.40)ના આજે વહેલી સવારે નિત્યક્રમ મુજબ ઘર પાસે આવેલા બિલેશ્વર મહાદેવ મંદિરમાં મહાદેવની પૂજા કરતા હતા ત્યારે એકાએક ચક્કર આવતા ઢળી પડતા હાજર અન્ય લોકો દોડી ગયા હતા અને તાકીદે સારવાર માટે સિવિલ હોસ્પિટલમાં ખસેડવામાં આવતા ફરજ પરના તબીબે જોઈ તપાસી મૃત જાહેર કર્યા હતા. મૃતક રસિકગીરી ત્રણ ભાઈ એક બહેનમાં બીજા નંબરે હતા. સંતાનમાં એક દીકરો દીકરી છે. તેઓ દશેક વર્ષથી મંદિરની સેવા પૂજા કરતા હતા. આજે સવારે જળ ચડાવી આરતી કરીને ઉભા થતા જ હદયરોગનો હુમલો આવી જતા ઢળી પડતા બેભાન હાલતમાં જ દમ તોડી દીધો હતો. બનાવ અંગે આજીડેમ પોલીસે જરૂરી કાગળો કર્યા હતા.