શ્રીલંકાના ૬૨ વર્ષીય ડાબોડી બેટ્સમેન અર્જુને ઓસ્ટ્રેલિયાને હરાવીને ૧૯૯૬નો ક્રિકેટ વર્લ્ડ કપ જીત્યો હતો, જે શ્રીલંકાની ક્રિકેટની સૌથી મોટી સિદ્ધિ હતી અને દેશને આ સિદ્ધી અપાવનારા ખેલાડીએ કૌભાંડમાં હાથ કાળા કર્યા હોવાનું સાબિત થયું છે જેના પગલે શ્રીલંકાના અધિકારીઓ પેટ્રોલિયમ મંત્રી તરીકેના કાર્યકાળ સાથે સંબંધિત ભ્રષ્ટાચારના આરોપોમાં વિશ્વ કપ વિજેતા ક્રિકેટ કેપ્ટન અર્જુન રણતુંગાની ધરપકડ કરવાની યોજના બનાવી રહ્યા છે. સોમવારે કોર્ટમાં આ માહિતી રજૂ કરવામાં આવી હતી. ભ્રષ્ટાચાર વિરોધી સંસ્થા અનુસાર, રણતુંગા અને તેમના ભાઈ પર મોંઘી ખરીદી કરવાનો આરોપ છે. ભારતનો પાડોશી દેશ હવે ૨૩.૫ કરોડ રૂપિયાના તેલ કૌભાંડના આરોપીને જેલમાં ધકેલી દેશે.

લાંચ કે ભ્રષ્ટાચારના આરોપોની તપાસ માટે રચાયેલા કમિશન અનુસાર, 2017 માં કરવામાં આવેલી 27 ખરીદીઓથી રાજ્યને કુલ 800 મિલિયન શ્રીલંકન રૂપિયા (આશરે ₹235 મિલિયન) નું નુકસાન થયું છે.કમિશનએ કોલંબોના મેજિસ્ટ્રેટ અસંગા બોદરાગામાને જાણ કરી હતી કે અર્જુન વિદેશમાં છે અને પરત ફર્યા બાદ તેની ધરપકડ કરવામાં આવશે.

પૂર્વ મંત્રીના મોટા ભાઈ, ધમ્મિકા રણતુંગા, જે તે સમયે રાજ્ય માલિકીની સિલોન પેટ્રોલિયમ કોર્પોરેશનના ચેરમેન હતા, તેમની સોમવારે ધરપકડ કરવામાં આવી હતી અને બાદમાં તેમને જામીન પર મુક્ત કરવામાં આવ્યા હતા. મેજિસ્ટ્રેટે તેમના પર મુસાફરી પ્રતિબંધ લાદ્યો હતો. તેમની પાસે શ્રીલંકા અને યુનાઇટેડ સ્ટેટ્સની બેવડી નાગરિકતા છે. આગામી સુનાવણી 13 માર્ચે થવાની છે.રણતુંગા બંધુઓ સામેનો કેસ રાષ્ટ્રપતિ અનુરા કુમારા દિસાનાયકેની સરકાર દ્વારા શરૂ કરાયેલા વ્યાપક અભિયાનનો એક ભાગ છે. દિસાનાયકે ગયા વર્ષે સત્તામાં આવ્યા હતા અને ભ્રષ્ટાચાર નાબૂદ કરવાનું વચન આપ્યું હતું.

રણતુંગા બંધુઓમાંથી એક, ભૂતપૂર્વ પર્યટન મંત્રી પ્રસન્ના, ગયા મહિને વીમા છેતરપિંડીના કેસમાં ધરપકડ કરવામાં આવી હતી. આ કેસ હજુ પણ પેન્ડિંગ છે, પરંતુ તેમને અગાઉ જૂન 2022 માં એક ઉદ્યોગપતિ પાસેથી પૈસા પડાવવાના આરોપમાં દોષિત ઠેરવવામાં આવ્યા હતા. તેમને બે વર્ષની સસ્પેન્ડેડ કેદની સજા ફટકારવામાં આવી છે.