૨૦૨૬ના T-20 વર્લ્ડકપ મેચો ભારત અને શ્રીલંકામાં રમાશે. આ ટુર્નામેન્ટમાં પાકિસ્તાનની મેચો શ્રીલંકામાં રમાશે, કારણ કે ગયા વર્ષે BCCI અને PCB એ તટસ્થ સ્થળોએ ભારત-પાકિસ્તાન મેચો યોજવા સંમતિ આપી હતી. હવે, બાંગ્લાદેશ પાકિસ્તાનના પગલે ચાલી રહ્યું છે, કારણ કે સમાચાર આવ્યા છે કે બાંગ્લાદેશની ટીમ T20 વર્લ્ડકપ રમવા માટે ભારતનો પ્રવાસ નહીં કરે. બાંગ્લાદેશના રમતગમત સલાહકાર આસિફ નજરુલે સોશિયલ મીડિયા દ્વારા બાંગ્લાદેશ ટીમના ભારતનો પ્રવાસ ન કરવાના નિર્ણયની પુષ્ટિ કરી છે.

આ નિર્ણય બાંગ્લાદેશ ક્રિકેટ બોર્ડની તાજેતરની બેઠકમાં લેવામાં આવ્યો હતો. જોકે, આંતરરાષ્ટ્રીય ક્રિકેટ પરિષદ (ICC)એ હજુ સુધી આ બાબતે પોતાનું વલણ જાહેર કર્યું નથી.

બાંગ્લાદેશના રમતગમત સલાહકાર આસિફ નજરુલે સોશિયલ મીડિયા પર લખ્યું, "બાંગ્લાદેશ ટીમ વર્લ્ડ કપ રમવા માટે ભારતનો પ્રવાસ નહીં કરે. બાંગ્લાદેશ ક્રિકેટ બોર્ડે આજે આ નિર્ણય લીધો છે. અમે આ નિર્ણયનું સ્વાગત કરીએ છીએ, જે BCCI ની હિંસક સાંપ્રદાયિક નીતિને ધ્યાનમાં રાખીને લેવામાં આવ્યો છે."

મુસ્તફિઝુર રહેમાનને IPLમાંથી બાકાત રાખ્યા બાદ બાંગ્લાદેશ ક્રિકેટ બોર્ડે આ નિર્ણય લીધો છે.