બજાર વિશ્લેષણ એકાઈ એરિક્સન કન્જૂમરલેબના રિપોર્ટ અનુસાર, ભારતમાં રોજિંદા જીવનમાં મલ્ટીમોડલ એઆઈનો ઉપયોગ કરનારા સ્માર્ટફોન યુઝર્સની સંખ્યા ૨૦૩૦ સુધીમાં વધીને ૪૩ ટકા થવાનું અનુમાન લગાવવામાં આવ્યું છે. હાલમાં ભારતમાં આ પ્રકારના એઆઈ મોડલનો રોજિંદા ઉપયોગ કરનારા લોકોનું પ્રમાણ આશરે બાવીસ ટકા છે, જે આગામી સમયમાં લગભગ બમણું થઈ જશે.   

આવા એઆઈ મોડલ્સ માત્ર લખીને જ જવાબ આપતા નથી, પરંતુ બોલીને, ફોટો, વીડિયો કે લાઈવ કેમેરાના માધ્યમથી પણ યુઝર્સની વાત સમજી શકે છે. રિપોર્ટમાં જણાવ્યા મુજબ ભવિષ્યમાં ‘એજેંટિક એઆઈ’નું ચલણ નોંધપાત્ર રીતે વધશે. આ એવા પ્રકારનું આર્ટિફિશિયલ ઇન્ટેલિજન્સ છે જે માત્ર સલાહ આપવા પૂરતું મર્યાદિત નહીં રહે, પરંતુ યુઝર્સની તરફથી જાતે જ બુકિંગ કરવું, વિવિધ પ્રોડક્ટ્સની તુલના કરવી અથવા તો શેડ્યૂલ મેનેજ કરવા જેવા કાર્યો પણ કરી દેશે.   

આ રિપોર્ટમાં દાવો કરવામાં આવ્યો છે કે લોકો હવે માત્ર ક્યારેક જ એઆઈનો ઉપયોગ કરવાના બદલે દૈનિક જીવનમાં તેના આદિ બની જશે. એજેંટિક એઆઈના વધતા ચલણને કારણે લોકોનો દૈનિક સ્ક્રીન ટાઇમ આશરે એક કલાક જેટલો ઘટી શકવાની સંભાવના છે. આ રિપોર્ટ ભારત સહિત કુલ ૨૭ બજારોમાં ૧૫થી ૬૯ વર્ષની વય જૂથના ૪૩,૦૦૦ કરતા વધુ સ્માર્ટફોન ઉપભોક્તાઓની પ્રતિક્રિયાઓ પર આધારિત છે. નિષ્ણાતોના મતે આ બદલાવનો મોટો ભાર ટેકનોલોજી કંપનીઓ પર પણ પડશે, કારણ કે તેમણે યુઝર્સને ફાસ્ટ ઇન્ટરનેટ સુવિધા ઉપલબ્ધ કરાવવી પડશે.