જામનગરમાં દિવાળી પૂર્વે દિવાળી ટાંકણે જીએસટી વિભાગ દ્રારા કાર્યવાહી બાદ ભીનું સંકેલવામાં આવ્યાની  ઉધોગકારોમાં જોરશોરથી ચચા સ્ટેટ જીએસટીની ટીમોએ મેગા સર્ચ ઓપરેશન હાથ ધર્યું હતું. જેમાં તપાસ દરમ્યાન શહેરના હીરજી મીસ્ત્રી રોડ પર બ્રહ્મ એસોસીએટ પેઢી ધરાવતા સીએ અલ્કેશ પેઢડીયા દ્રારા રૂ.૫૬૦ કરોડનું બોગસ બીલીંગ કરી રૂ.૧૧૨ કરોડનું કરચોરી કરવામાં આવ્યાનું ખૂલ્યું હતું.  


આ કૌંભાડના ગણતરીના દિવસો બાદ એટલે કે ૧૬ ઓકટોબરના સેન્ટ્રલ જીએસટી વિભાગની ૧૦થી વધુ ટુકડીઓ  શહેરના શંકરટેકરી અને દરેડ જીઆઇડીસી વિસ્તારમાં ત્રાટકી સ્ક્રેપ સહીત બ્રાસપાર્ટના એકમો ધરાવતા અને આયાત-નિકાસ કરતા શ્યામભાઇ, બાબુભાઇ, રામભાઇ, ભાવીકભાઇ, કપીલભાઇ અને કાનાભાઇની પેઢી સહીત ૧૨ થી વધુ સ્થળોએ દરોડા પાડી તપાસની કાર્યવાહી હાથ ધરી હતી.


તપાસ દરમ્યાન કારખાનેદારો દ્રારા થતા આર્થિક વ્યવહારો, બીલ સહીતના દસ્તાવેજો અને સાહીત્યની ચકાસણી કરવામાં આવી હતી. આ તપાસ કલાકો સુધી ચાલી હતી. જીએસટીના અધિકારીઓએ તપાસ દરમ્યાન શંકાસ્પદ સાહીત્ય અને દસ્તાવેજો કબ્જે કરત મસમોટી કરચોરી ખૂલશે તેમ સતાવાર સૂત્રોએ જણાવ્યું હતું. ખાસ કરીને દરોડામાં બોગસ બીલીંગ કરી કરવામાં આવતી મસમોટી કરચોરીના પર્દાફાશની શકયતા પણ અતરંગ સૂત્રોએ વ્યકત કરી હતી. 
​​​​​​​
પરંતુ નવાઇની વાત એ છે કે, દરોડાની કાર્યવાહીને ૧૦ દિવસ થવા છતાં હજુ સુધી જીએસટી વિભાગ દ્રારા જામનગરમાં ૧૨ થી વધુ બ્રાસપાર્ટના એકમોમાં તપાસ દરમ્યાન કેટલી કરચોરી અને કયાં પ્રકારે કરચોરી કરવામાં આવી છે તેની કોઇપણ વિગતો જાહેર કરવામાં ન આવતા સમગ્ર તપાસ શંકાના દાયરામાં આવી છે. બીજી બાજુ એસજીએસટીની ટીમો દ્રારા તપાસનો રિપોર્ટ જાહેર કરવામાં ન  આવતા દિવાળી ટાંકણે કાર્યવાહી બાદ ભીનું સંકેલવામાં આવ્યાની ચર્ચા ઉધોગકારોમાં જોરશોરથી ચાલી રહી છે. ત્યારે આગામી દીવસોમાં તપાસ કાર્યવાહીની સતાવાર વિગત જીએસટી વિભાગની વડી કચેરી દ્રારા જાહેર કરવામાં આવશે કે કેમ તેના પર સૌની મીટ મંડાઇ છે.