પોરબંદરમાં શ્રી નવીબંદર સમસ્ત ખારવા સમાજ વિદ્યાર્થી મંડળ દ્વારા કારકિર્દી માર્ગદર્શન સેમિનાર યોજાયો હતો.
શ્રી નવીબંદર ખારવા વિદ્યાર્થી મંડળ-ટ્રસ્ટ પોરબંદર દ્વારા કારકીર્દી માર્ગદર્શન સેમીનારનું આયોજન કરવામાં આવેલ હતુ. તેમાં ધોરણ ૧૦ પછી શું? ધોરણ ૧૨ પછી શું? કોલેજ બાદ શું? સરકારી નોકરી કઇ રીતે મેળવવી? વગેરેનું સર્ંપર્ણ માર્ગદર્શન જિજ્ઞેશભાઇ ચૌહાણે દ્વારા આપવામાં આવેલ. આ સેમિનારમાં બહોળી સંખ્યામાં વિદ્યાર્થી ભાઇ-બહેનો તથા વાલીઓએ હાજરી આપી હતી અને ધોરણ ૧૦, ૧૨પછી સ્પર્ધાત્મક પરીક્ષાઓની તૈયારી માટે અખબારોના વાંચન પર ભાર મૂકવામાં આવ્યો હતો  એટલું જ નહીં પરંતુ રાજ્ય સરકારમાં કલાસ-૧ અને કલાસ-૨ અધિકારીની નોકરી મેળવવા માટે યુ.પી.એસ.સી. અને જી.પી.એસ.સી. ની પરીક્ષા સરળતાથી કઇ રીતે પાસ કરી શકાય તે અંગે પણ માર્ગદર્શન આપવામાં આવ્યુ હતુ.