દેવભુમી દ્વારકાના શિવરાજપુર બીચ ખાતે આજરોજ આંતરરાષ્ટ્રીય પતંગ મહોત્સવની ઉજવણી કરાઇ હતી, જેમાં જીલ્લા કલેકટર જી.ટી. પંડયાના  અઘ્યક્ષસ્થાને મહોત્સવનું સુચારુ આયોજન કરાયુ હતું, રાજય સરકાર દ્વારા ગુજરાતના પ્રવાસન ક્ષેત્રે આગવું સ્થાન પ્રાપ્ત થાય તે માટે દર વર્ષની જેમ આ વર્ષે પણ સાબરમતી રીવર ફ્રન્ટ ખાતે પતંગ મહોત્સવનું તા. 11 થી 14મી સુધી આયોજન કરાયુ હતું તેમજ દેવભુમી દ્વારકા જીલ્લામાં આજરોજ તા. 13 જાન્યુઆરીના દિવસે મહોત્સવ યોજાયો હતો જેમાં મોટી સંખ્યામાં પતંગબાજો જોડાયા હતા.

આ મહોત્સવમાં કાઇટીસ્ટો માટેના સ્ટોલ, સ્ટેજ તેમજ આનુસાંગીક વ્યવસ્થા કરાઇ હતી. સાંસ્કૃતીક કાર્યક્રમની પ્રસ્તુતી ઉપરાંત ફાયર બ્રિગેડ, મોબાઇલ ટોયલેટની સુવિધા, મેડીકલ ટીમ સહિતની સુવિધાઓ કલેકટર દ્વારા કરાઇ હતી આ મહોત્સવમાં મોટી સંખ્યામાં દેવભુમી દ્વારકા જીલ્લાના તેમજ સમગ્ર ગુજરાતમાથી પતંગબાજો જોડાય હતા અને અવનવી જાતના પતંગો ચગાવીને મહોત્સવની મજા માણી હતી, મકરસંક્રાંતી પર્વને લઇને ગુજરાત સરકાર દ્વારા શિવરાજપુર બીચ પર આ મહોત્સવ યોજાયો હતો હજારોની સંખ્યામાં લોકો જોડાયા હતા દેવભુમી દ્વારકા જીલ્લાના કલેકટર સહિતના આગેવાનો ઉપસ્થીત રહયા હતા.