સૌરાષ્ટ્ર સહિત રાજ્યભરમાંથી ઠંડીના પ્રમાણમાં સતત ઘટાડો થઈ રહ્યો છે. મોડી સાંજથી વહેલી સવાર સુધી ભેજના પ્રમાણમાં વધારો રહેતો હોવાથી ફુલગુલાબી વાતાવરણ અને ઠંડીના ચમકારા જેવો અહેસાસ થતો હોય છે.

આજે ગિરનાર પર્વત ઉપર પાંચ પોઈન્ટ ચાર ડિગ્રી લઘુતમ તાપમાન નોંધાયું હતું તે સિવાય સમગ્ર રાજ્યમાં બધે જ લઘુતમ તાપમાનનો પારો ડબલ ફિગરમાં રહેવા પામ્યો છે. અમરેલીમાં 11.6, ભાવનગરમાં ૧૪.૬, ભુજમાં 14.8, કંડલામાં 14.7, નલિયામાં 10.8, ઓખામાં 19.6, પોરબંદરમાં 11, રાજકોટમાં 11.5, સુરતમાં 15.1 અને વેરાવળમાં 15.5 ડિગ્રી લઘુત્તમ તાપમાન આજે રહ્યું છે. ગુજરાતની વાત કરીએ તો અમદાવાદમાં 13.4, વડોદરામાં 12.2, ડીસામાં 11.9, ગાંધીનગરમાં 13.7, સુરતમાં 15.1 ડીગ્રી લઘુતમ તાપમાન નોંધાયું છે.

આજે પોરબંદરમાં સવારે વાતાવરણમાં ભેજનું પ્રમાણ 93% રહ્યું હતું અને તેના કારણે ધુમ્મસ છવાયુ હતું. વિઝિબિલિટી 200 મીટર આસપાસ રહી હતી. રાજકોટમાં ભેજનું પ્રમાણ આજે સવારે 80% નોંધાયું હતું઼ રાજકોટ ભુજ અમરેલી વેરાવળ અને અમદાવાદમાં સવારે ભેજવાળું વાતાવરણ જોવા મળ્યું હતું.