આંબેડકરનગરમાં રહેતા યુવાને રાજુ સંધી નામના શખસ સામે માલવિયાનગર પોલીસ સ્ટેશનમાં એટ્રોસિટી એક્ટની ફરિયાદ નોંધાવી છે. આ શખસે અનુસૂચિત જાતિ વિશે અપમાનજનક શબ્દ બોલી તે અંગેનો વિડીયો અન્યને મોકલી વાયરલ કર્યો હોય જે અંગે આ ફરિયાદ નોંધાવવામાં આવી છે.

બનાવ અંગે જાણવા મળતી વિગતો મુજબ, શહેરના આંબેડકરનગર શેરી નં. 12/13 ના ખૂણે એસટી વર્કશોપની પાછળ રહેતા ચિરાગ પ્રવીણભાઈ સોલંકી (ઉ.વ 29) દ્વારા માલવિયાનગર પોલીસ સ્ટેશનમાં નોંધાવવામાં આવેલી ફરિયાદમાં આરોપી તરીકે રાજુ વલીભાઈ સંધિનું નામ આપ્યું છે.

યુવાને ફરિયાદમાં જણાવ્યું હતું કે, તે રિક્ષા ચલાવી પરિવારનું ગુજરાન ચલાવે છે ગત તા. 22 4 ના બપોરના બારેક વાગ્યા આસપાસ તે ઘરે હતો ત્યારે તેના મિત્ર તુષારભાઈ પારગીએ તેના વોટ્સએપ નંબર પરથી અલગ અલગ છ વિડીયો ફાઈલ મોકલી હતી. જે ડાઉનલોડ કરી જોતા અલગ અલગ વીડિયોમાં રાજુ વલી સંધી નામનો શખસ અનુસૂચિત જાતિ વિશે જેમફાવે તેમ બોલતો હોય તેમજ અનુસૂચિત જાતિના આગેવાનોને અપશબ્દ બોલતો હોય આ રાજુ અલી સંધિ પહેલા અહીં ખોડીયારનગરમાં રહેતો હોય જેથી તેમને ફરિયાદી ઓળખે છે. તેણે આ વિડીયો ક્યાં બનાવ્યો છે તેનો કોઈ ખ્યાલ નથી આમ રાજુ સંધી નામના આ શખસે અનુસૂચિત જાતિ પ્રત્યમનજક શબ્દો કહી તેનો વિડીયો અન્ય લોકોમાં વાયરલ કર્યો હોય આ અંગે યુવાને ફરિયાદ નોંધાવતા પોલીસે આરોપી સામે એટ્રોસિટી એક્ટ સહિતની કલમો હેઠળ ગુનો નોંધી કાયદેસરની કાર્યવાહી કરી હતી.