રાણાવાવ નજીક જામ્બુવંતીની ગુફા ખાતે ચાલી રહેલ ભાગવત સપ્તાહમાં કથાનું રસપાન કરવા માટે જતા ભાણવડ નજીક કલ્યાણપરના વયોવૃધ્ધ દંપતીનું બાઇક કાર સાથે અથડાતા બીલેશ્ર્વર નજીક સર્જાયેલા આ અકસ્માતમાં પતિ-પત્નીના મોત થતા ભારે અરેરાટી ફેલાઇ છે.
બનાવની વિગત એવી છે કે કલ્યાણપરના આશિષગીરી તોફાનગર અપારનાથી નામના યુવાને રાણાવાવ પોલીસમાં એવી ફરિયાદ નોંધાવી છે કે તેમના પિતા તોફાનગર આનંદગર અપારનાથી અને માતા રમાબેન બંને બાઇકમાં જામ્બુવંતી ગુફા ખાતે ભાગવત સપ્તાહમાં કથાનું રસપાન કરવા જતા  હતા ત્યારે બીલેશ્ર્વર નજીક સાજણાવાળા નેશ પાસે તેમના બાઇકનું કાર સાથે અકસ્માત થતા બંનેને ગંભીર ઇજા થઇ હતી અને માતા રમાબેનને ૧૦૮ મારફતે અને પિતા તોફાનગરને ખાનગીવાહનમાં રાણાવાવની સરકારી હોસ્પિટલે લવાતા  બંનેનું મોત નિપજ્યુ હતુ જેમાં સફેદ રંગની કારના ચાલકે બેફિકરાઇથી કાર ચલાવીને અકસ્માત સર્જયો હતો  આગળની તપાસ રાણાવાવ પોલીસ ચલાવી રહી છે.