વિશ્વને ચેટજીપીટીની ગીફ્ટ આપનારા ઓપન એઆઈના સીઈઓ સેમ ઓલ્ટમેન આજે પણ હસ્ત લેખનને ખુબ મહત્વ આપે છે અને કહે છે કે લખવાનું બંધ કરશો નહી, એ વિચારવાની સૌથી મજબૂત રીત છે. જો તમે પણ દરરોજ પ્રશ્નો પૂછો છો, સામગ્રી લખો છો, અથવા ચેટજીપીટી પાસેથી વિચારો મેળવો છો, તો આ સમાચાર તમારા માટે છે.સેમ ઓલ્ટમેન કહે છે કે હું હાથથી ખુબ લખું છુ બે થી ત્રણ અઠવાડિયામાં આખી નોટબુક ભરી દઉં છું.તેઓ કહે છે, "એઆઈના યુગમાં હસ્તાક્ષરનું મહત્વ છે જ તેનો ઉપયોગ કરો, પરંતુ તમારા વિચારો કાગળ પર મૂકવાનું બંધ ન કરો.તેમનું આ નિવેદન હવે ઝડપથી વાયરલ થઈ રહ્યું છે.

ઓલ્ટમેન માને છે કે લેખન એ ફક્ત એક આદત નથી, પરંતુ વિચારવાની સૌથી મજબૂત રીત છે. તેમના મતે, ટેકનોલોજી ગમે તેટલી આગળ વધે, વ્યક્તિની વિચારવાની અને તેને શબ્દોમાં ઉતારવાની ક્ષમતા ક્યારેય સમાપ્ત થશે નહીં.સેમ ઓલ્ટમેને સ્પષ્ટપણે કહ્યું કે જેમ આજે કોડિંગ જોબ્સ ઘટી રહી છે, તેમ લોકોએ કોડિંગ શીખવું જોઈએ.

સેમ ઓલ્ટમેનની ઉપયોગી ટીપ્સ

લેખન એક આવશ્યક કૌશલ્ય છે.

તમારા વિચારો સ્પષ્ટ કરવા માટે લખો.

તમારા વિચારોને મજબૂત કરવા માટે લખો.

તમારા મનને તાલીમ આપવા માટે લખો.

એઆઈ ટૂલ્સ પર નિર્ભરતા ઘટાડવા સુચન

આજે, જ્યારે મોટાભાગના લોકો મોબાઇલ નોટ્સ અથવા એઆઈ ટૂલ્સ પર નિર્ભર બની રહ્યા છે, ત્યારે નોટબુક્સને દૂર કરવા વિશે ઓલ્ટમેનનું નિવેદન લોકોને વિચારવા મજબૂર કરી રહ્યું છે.તેઓ કહે છે કે લેખન મનને વ્યવસ્થિત કરે છે. જ્યારે તમે હાથથી લખો છો, ત્યારે વિચારો સ્પષ્ટ થાય છે. આ ફક્ત વિદ્યાર્થીઓ કે લેખકો માટે જ નહીં, પરંતુ દરેક વ્યવસાયના લોકો માટે મહત્વપૂર્ણ છે.એઆઈના યુગમાં, જ્યારે લોકો વિચારે છે કે મશીનો બધું જ કરશે, ત્યારે આ માણસનું આ નિવેદન એક અલગ સંદેશ મોકલે છે: ટેકનોલોજીનો ઉપયોગ કરો, પરંતુ તમારી વિચારસરણી અને લેખન કુશળતાને નબળી ન પડવા દો.