ભાવનગર શહેરમાં સતત ત્રણ-ચાર દિવસથી મારામારી અને હુમલા તેમજ તોડ-ફોડ સહિતની બની રહી છે. પોલીસ કે કાયદાની  અસામાજિક તત્વોમાં કોઈજ પ્રકારની ધાક ન હોવાનો અનુભવ આમ લોકો કરી રહ્યા છે. ગઈકાલે શહેરના વડવા સહિતના વિસ્તારોમાં ભય ફેલાય તે પ્રકારની ઘટનાઓના પગલે મોડી રાત્રે જિલ્લા પોલીસવડા જે તે મુલાકાત લઇ સ્થળ નિરીક્ષણ કરી રહ્યા હતા ત્યારે બીજી બાજુ શહેરના સુભાષનગર વિસ્તારમાં દિવાળીએ થયેલા સામાન્યઝઘડાની દાઝે બાઈક પર તલવાર અને ધારિયા જેવા ઘાતક હથિયાર રો સાથે ૬ શખ્સોએ ઘસી આવી ગાળો બોલી પરિવાર પર હુમલો કરી જાનથી મારી નાખવાની ધમકી આપી નાસી છૂટ્યા હતા. ઘટનામાં પિતા-પુત્ર ઈજાગ્રસ્ત થતા સારવાર માટે હોસ્પિટલમાં ખસેડવામાં આવ્યા હતા. આ બનાવ 
અંગે ઘોઘા રોડ પોલીસ મથકમાં ૬ શખ્સો સામે ફરિયાદ નોંધાવાઈ હતી.
શહેરના સુભાષનગર વિસ્તારના મફતનગર, શીતળામાતાના મંદિર, રજપૂતવાડામાં રહેતા કને પ્લમ્બિંગનું કામ કરતા રાજેશભાઈ ગોવિંદભાઇ ગોહિલ(ઉ. વ. ૪૬)એ ઘોઘારોડ પોલીસ મથકમાં નોંધાવેલી ફરિયાદ મુજબ પોતાના પુત્ર રાહુલને ધવલ મકવાણા, દીપો વાઘરી, ઉત્સવ બારૈયા અને અજય ઉર્ફે રાઠોડ નામના શખ્સોને દિવાળીના દિવસે થયેલા સામાન્ય ઝઘડાની દાઝ રાખી ઉપરોક્ત તમામ અને બે અજાણ્યા શખ્સોએ ગત મોડી રાત્રીના બાઈક પર તલવાર અને ધારિયા જેવા ઘાતક હથિયારો સાથે ઘસી આવી પોતાના ઘર બહાર ગાળો બોલી રાહુલ ક્યાં છે?, તેમ પૂછી ઉશકેરાઈ જઈ ધારિયા અને તલવાર વડે હુમલો કરતા ઘરમાંથી તમામ સભ્યો બહાર આવી વચ્ચે પડતા તમામ પર હુમલો કરતા આજુબાજુના લોકો ભેગા થઇ જતાં તમામ જાનથી મારી નાખવાની ધમકી આપી નાસી છૂટ્યા હતા. હુમલાની આ ઘટનામાં પોતાને તેમજ પોતાના પુત્ર હિરેનને ઇજાઓ થતા સારવાર માટે સર ટી હોસ્પિટલમાં ખસેડાયા હતા. રાજેશભાઈએ નોંધાવેલી ફરિયાદના આધારે ઘોઘા રોડ પોલીસે તમામ શખ્સો સામે ગુનો નોંધી તેને ઝડપી લેવા તજવીજ હાથ ધરી હતી.