હોલીવુડમાંથી એક દુઃખદ સમાચાર સામે આવી રહ્યા છે. સુપરહિટ ફિલ્મ 'ટાઈટેનિક'થી પ્રખ્યાત થયેલા જાણીતા અભિનેતા બર્નાર્ડ હિલનું નિધન થયું છે. બર્નાર્ડના મૃત્યુના સમાચારથી તેમના પ્રિયજનોને આઘાત લાગ્યો છે. બારબરા ડિક્સને આ સમાચારની પુષ્ટી કરી છે.

હોલીવુડના જાણીતા અભિનેતા બર્નાર્ડ હિલ હવે આ દુનિયામાં નથી. અભિનેતાએ 79 વર્ષની વયે અંતિમ શ્વાસ લીધા. બર્નાર્ડ હિલે ટાઇટેનિક અને ધ લોર્ડ ઓફ ધ રિંગ્સ જેવી ફિલ્મોથી લોકપ્રિયતા મેળવી હતી. બર્નાર્ડ હિલના અવસાનથી સમગ્ર હોલિવૂડ ઈન્ડસ્ટ્રી જ નહીં પણ ચાહકોને પણ આઘાત લાગ્યો છે.

ટાઇટેનિક એક્ટર હવે નથી રહ્યા

બર્નાર્ડ હિલને 1997માં રિલીઝ થયેલી ફિલ્મ 'ટાઈટેનિક'માં કેપ્ટન એડવર્ડ જોન સ્મિથની ભૂમિકાથી ઘણી લોકપ્રિયતા મળી હતી. બર્નાર્ડના નિધનની માહિતી મળ્યા બાદ સેલિબ્રિટીઓ આઘાતમાં છે. ચાહકો પણ વિશ્વાસ કરી શકતા નથી કે 79 વર્ષીય બર્નાર્ડ હવે આ દુનિયામાં નથી. જો કે, અભિનેતાનું મૃત્યુ કેવી રીતે થયું તે અંગેની માહિતી બહાર આવી નથી.