જુનાગઢ જીઆઇડીસી એકમાં વિનોદકુમાર એન્ડ કંપની ના બારદાન ના ગોડાઉનમાં ગઈકાલે સવારે એકાએક આગ લાગી હતી. ગોડાઉનમાં બારદાન ના કોથળા જોવાના કારણે ગણતરીની મિનિટોમાં આગે વિકરાળ સ્વપ ધારણ કયુ હતું અને સમગ્ર ગોડાઉન ઝપટે લીધું હતું. ગોડાઉન માલિકે ફાયર વિભાગને આગ લાગ્યા અંગેની જાણ કરતા જુનાગઢ ફાયર ઓફિસર દીપક જાની, નાયબ ફાયર ઓફિસર યકીન શિવાણી, સ્ટેશન ઇન્ચાર્જ કનુભાઈ, ડ્રાઇવર ઈકબાલભાઈ એસ.ટી.ઓ દ્રિજ જાની અને ધ્રુવિલ પટેલ તથા રમેશભાઈ મોકરીયા પરસોતમભાઈ ચૌહાણ ફાયરમેન રવિભાઈ મેહુલભાઈ રાહુલભાઈ મનીષભાઈ, હરપાલસિંહ આર્યન ખેર સહિતની ત્રણ ટીમ બારદાન ના ગોડાઉન ખાતે આગને કાબુમાં લેવા પહોંચી હતી. શણના કોથળામાં આગ લાગવાથી આગ બેકાબૂ બની હતી અને સમગ્ર ગોડાઉન બળીને ભસ્મિભૂત થયું હતું અને ગોડાઉનમાં રહેલા લાખોની કિંમતના બારદાનના કોથળા પણ બળી ગયા હતા.
ફાયર ઓફિસર દીપકભાઈ જાની ના જણાવ્યા મુજબ કોથળામાં આગ લાગવાના કારણે આગ બુઝાવવી સરળ ન હતી એક બાદ એક સ્થળે આગ વધી રહી હતી. સવારથી બપોર સુધી કરેલી કામગીરી બાદ બપોરે ૪ વાગ્યા આસપાસ આગ કાબુમાં આવી હતી. આગ બુઝાવવા ફાયરની ત્રણ ટીમ દ્રારા અંદાજિત એક લાખ લિટર પાણી નો છટકાવ કર્યેા હતો. બપોરે મહા મહેનતે આગ કાબુમાં આવતા ફાયર ની ટીમે રાહતનો શ્વાસ લીધો હતો