મૃતકોમાં બે યુવાનોનો સમાવેશ આ અકસ્માત એટલો ભયાનક હતો કે ટક્કર વાગતા જ ચાર પદયાત્રીઓએ સ્થળ પર જ દમ તોડી દીધો હતો. મૃતકોમાં બે યુવાનો અને બે આધેડ વ્યક્તિઓનો સમાવેશ થાય છે. અકસ્માતમાં ઈજાગ્રસ્ત થયેલા અન્ય એક પદયાત્રીને તાત્કાલિક અસરથી મોરબીની હોસ્પિટલમાં સારવાર માટે ખસેડવામાં આવ્યા છે, જ્યાં તેમની હાલત નાજુક હોવાનું જાણવા મળ્યું છે. ગોઝારા અકસ્માતમાં મૃત્યુ પામનાર દેવદરના ચોધરી દિલીપ રાઇભાઇ, ચોધરી હાર્દિક માલાભાઇ, ચોધરી ભગવાન લાલભાઇ અને ચોધરી અમજાભા લાલભાઇનો સમાવેશ થાય છે.
​​​​​​​
અજાણ્યો ચાલક વાહન લઈ ફરાર ઘટનાની જાણ થતા જ માળિયા-મિયાણા તાલુકા પોલીસનો કાફલો ઘટનાસ્થળે દોડી ગયો હતો. પોલીસે મૃતદેહોને પોસ્ટમોર્ટમ અર્થે ખસેડી મૃતકોની ઓળખ વિધિ હાથ ધરી છે. અકસ્માત સર્જ્યા બાદ વાહન ચાલક પોતાનું વાહન લઈને ફરાર થઈ ગયો હોય, પોલીસે અજાણ્યા વાહન ચાલક વિરુદ્ધ ગુનો નોંધી તેને ઝડપી પાડવા માટે નાકાબંધી અને સીસીટીવી ફૂટેજની તપાસ સહિતની સઘન કાર્યવાહી શરૂ કરી છે. યાત્રાધામ દ્વારકા પહોંચે તે પહેલા જ શ્રદ્ધાળુઓના મોતથી બનાસકાંઠાના તેમના વતનમાં શોકનું મોજું ફરી વળ્યું છે.