પડધરી પોલીસે રાત્રિના ડોડી નદીના કાંઠે ખુલ્લા પટમાં ચાલી રહેલી જુગારની મહેફિલ પર દરોડો પાડ્યો હતો પોલીસને જોતા જ અહીં નાશભાગ મચી ગઈ હતી. પોલીસે અહીંથી જુગાર રમતા બે શખસોને ઝડપી લીધા હતા જ્યારે પાંચ શખસો નાસી છુટયા હતા. પોલીસે પકડાયેલા શખસો પાસેથી રોકડ રૂપિયા અને મોબાઈલ સહિત ૧૨,૩૦૦ નો મુદ્દામાલ કબજે કરી નાસી ગયેલા અન્ય પાંચ શખસોને ઝડપી લેવા તપાસ હાથ ધરી છે.
​​​​​​​
જુગારના આ દરોડાની જાણવા મળતી વિગતો મુજબ, પડધરી પોલીસ મથકનો સ્ટાફ રાત્રિના પેટ્રોલિંગમાં હતો દરમિયાન એવી બાતમી મળી હતી કે, અહીં ડોડી નદીના કાંઠે સ્મશાન પાસે ખુલ્લા પટમાં કેટલાક શખસો જુગાર રમી રહ્યા છે. આ બાતમીના આધારે પોલીસની ટીમ અહીં પહોંચી હતી પોલીસને જોતા જ અહીં જુગારીઓમાં નાશભાગ મચી ગઈ હતી પોલીસે અહીંથી જુગાર રમતા જીગ્નેશગીરી દયાલગીરી ગોસાઈ(ઉ.વ ૪૦) અને કૌશિક ચનાભાઈ પરમાર(ઉ.વ ૨૮ રહે. બંને. પડધરી)ને ઝડપી લીધા હતા.પોલીસે આરોપી પાસેથી રૂ.૧૦,૩૦૦ રોકડ બે મોબાઈલ ફોન સહિત ૧૨,૩૦૦ મુદામાલ કબજે કર્યો હતો.
ઝડપાયેલા બંને આરોપીઓની પુછતાછ કરતા નાસી ગયેલા શખસોમાં મુન્ના ડાયાભાઈ ડોડીયા, પ્રકાશ હકાભાઇ બાંભવા, સંજય રામજીભાઈ બાંભવા, એજાજ હુસેનભાઇ દલ અને સચિન શાંતિલાલ પરમાર હોવાનું માલુમ પડ્યું હતું. જેથી પોલીસે આ પાંચેય શખસોને ઝડપી લેવા માટે તપાસ હાથ ધરી છે.