આ કેસની હકીકત એવી છે કે, મોરબીના કુંજનકુમાર કાંતીભાઈ ભોજાણીએ સ્ટાર હેલ્થ એન્ડ એલાઈડ ઈન્સ્યુરન્સ કંપનીનો વીમો લીધેલ. દરમિયાન તેમના પત્ની બિંદિયાબેન લાઈફ હોસ્પિટલમાં ચાર દિવસ દાખલ થયેલ અને ઓબેસિટીની સારવાર લીધેલ. તેને થયેલ ખર્ચ રૂ. 3.42 લાખ મેળવવા માટે તમામ કાગળો ઈન્સ્યુરન્સ કાં.માં આપેલ, પરંતુ વીમા કંપનીએ રેપ્યુર્ડ લેટરથી વિમો આપવાની ના પાડેલ, તેથી કુંજનભાઈએ તેઓએ મોરબી શહેર જિલ્લા ગ્રાહક સુરક્ષા મંડળના પ્રમુખ લાલજીભાઈ મહેતા મારફત ગ્રાહક અદાલતમાં કેસ દાખલ કરેલ. ગ્રાહક અદાલતે કહેલ કે સુપ્રીમ કોર્ટના આદેશ મુજબ વીમા કંપની રેપ્યુર્ડ લેટરનો આશરો લઈ શકે નહી. ગ્રાહકે વીમાની રકમ પ્રિમિયમ રૂપે ભરેલ છે. વીમો ન આપવો તે વીમા કંપનીની સેવામાં ખામી છે માટે સ્ટાર હેલ્થ એન્ડ એલાઈડ ઈન્સ્યુરન્સ કંપનીએ દર્દીને થયેલ ખર્ચ રૂા. ૩,૪૨,૩૨૨/- ૬ % ના વ્યાજ સાથે તારીખ ૦૩- ૦૧- ૨૦૨૫થી તથા અને ખર્ચના રૂા.૫૦૦૦/-ચુકવવાનો આદેશ ફરમાવેલ છે. ગ્રાહકે પોતાના હકક માટે લડત કરવી જરૂરી છે.