પોરબંદરમાં ગ્રામ પંચાયતની ચુંટણી સમયે વરસાદ અડચણરૂપ થાય નહી તે માટે યોગ્ય આયોજન ગોઠવવા જિલ્લા કલેકટરના અધ્યક્ષસ્થાને બેઠક યોજાઇ હતી.
આગામી દિવસોમાં યોજાનાર ગ્રામ પંચાયત ચૂંટણીઓ માટે પોરબંદર જિલ્લામાં મોસમ અનુસાર ખાસ કરીને વરસાદના સંદર્ભમાં યોગ્ય આયોજન અને વ્યવસ્થા સુનિશ્ચિત કરવા માટે પોરબંદર જિલ્લા કલેક્ટર એસ.ડી. ધાનાણીના અધ્યક્ષસ્થાને મહત્વપુર્ણ બેઠક યોજાઈ હતી.જિલ્લા કલેકટરે વર્ષાઋતુને ધ્યાનમાં રાખી મતદાન દરમિયાન મતદારોને કોઈ અડચણ ન આવે તે માટે આયોજન કરવા જ‚રી સુચનો આપ્યા અને તેમણે જણાવ્યું કે વરસાદ આવવાની પરિસ્થિતિમાં પણ ચૂંટણી પ્રક્રિયા અવરોધ વિના ચાલી શકે તે માટે અગાઉથી પુરતી તૈયારી હોવી જ‚રી છે.મતદાન મથકો પર પાણી લીકેજ,વરસાદી પાણી શક્યતાને ધ્યાને રાખીને લાઈટ, બેઠક અને અન્ય  સુવિધાઓ માટે  કામગીરીના કરવા જરૂરી માર્ગદર્શન આપવામાં આવ્યુ હતુ.
આ બેઠકમાં અધિક જિલ્લા કલેક્ટર  જે.બી.વદર, પોરબંદર પ્રાંત અધિકારી  સંદીપ જાદવ, કુતિયાણા પ્રાંત અધિકારી  નેહા સોજીત્રા તેમજ વિવિધ પોરબંદર ગ્રામ્ય રાણાવાવ અને કુતિયાણા તાલુકાના મામલતદાર સર્વ અને અધિકારીઓ-કર્મચારીઓ ઉપસ્થિત રહ્યા હતા.