જેની દેશભરના 22 લાખથી વધુ વિદ્યાર્થીઓના ભાવી અને કારકિર્દી પર અસર પડવાની સંભાવના હોય છે તેવી અતિ મહત્વની ગણાતી નીટની પરીક્ષાના પેપર લીક કૌભાંડથી પરીક્ષા સુરક્ષા અંગે ગંભીર પ્રશ્નો ઉભા થયા છે.આ કૌભાંડના મુખ્ય સુત્રધાર કુલકર્ણી ઉપરાંત, એવું માનવામાં આવે છે કે અન્ય વિષયોમાં સામેલ લોકો પર પણ કાર્યવાહી કરવામાં આવશે, કારણ કે કુલકર્ણી રસાયણશાસ્ત્રના નિષ્ણાત છે. સેન્ટ્રલ બ્યુરો ઓફ ઇન્વેસ્ટિગેશન અનુસાર, પેપર લીક કેસમાં હજુ વધુ ધરપકડ કરવામાં આવશે. સીબીઆઈની ચાલી રહેલી તપાસમાં ખુલ્યું હતું કે પી.વી. કુલકર્ણીએ પરીક્ષા પ્રક્રિયાની ગુપ્તતાનો દુરુપયોગ કર્યો હતો અને પેપર લીક અને છેતરપિંડી સંબંધિત નેટવર્ક બનાવ્યું હતું. લાતુરમાંથી જેની ધરપકડ કરવામાં આવી તે કુલકર્ણી ઉપરાંત, અન્ય વિષયોમાં સામેલ વ્યક્તિઓ પર પણ કાર્યવાહી થવાની અપેક્ષા છે. કુલકર્ણી ફક્ત રસાયણશાસ્ત્રમાં જાણકાર છે. અન્ય વિષયો માટે પ્રશ્નો કોણે પૂરા પાડ્યા તેની તપાસ ચાલુ છે. સીબીઆઈએ એનટીએ પાસેથી પરીક્ષા કેન્દ્રો પર પેપર તૈયાર કરવા, છાપવા અને વિતરણ કરવામાં સામેલ તમામ 50 વ્યક્તિઓની યાદી મેળવી છે. સીબીઆઈતપાસમાં એક સનસનાટીભર્યો ખુલાસો એ પણ થયો છે કે મુખ્ય આરોપી, પી.વી. કુલકર્ણી, જે મૂળ લાતુરનો રહેવાસી છે, લાંબા સમયથી એનટીએ વતી પરીક્ષા પ્રક્રિયામાં સામેલ છે, જેના કારણે તેને પ્રશ્નપત્રો સુધી સીધી પહોંચ મળી છે. કુલકર્ણી લાતુરની દયાનંદ કોલેજમાં રસાયણશાસ્ત્રના પ્રોફેસર તરીકે કામ કરતા હતા અને હવે નિવૃત્ત થઈ ગયા છે. આરોપી મનીષા વાઘમારેની પૂછપરછ કર્યા પછી સીબીઆઈ કુલકર્ણી સુધી પહોંચી.