દોઢ કલાકમાં એક ઇંચ જેટલો વરસાદ ખાબક્યો

સલાયામાં શનિવારથી જ કાળા ડીબાંગ વાદળોથી અંધારપટ છવાઇ ગયા હતા. ભારે પવન અને વીજળીઓ થતી હતી. રવિવારે બપોરે એક વાગ્યાથી અચાનક મોટા મોટા વરસાદી છાટા ચાલુ થયા હતા અને દોઢ કલાકમાં ધોધમાર વરસાદ પડતાં એક ઇંચ જેટલું પાણી વરસી ગયું હતું.

વીજળીના કડાકા ભડાકા સાથે વરસાદ પડતાં લોકોમાં પણ ડર પ્રવેશ્યો હતો. ખંભાળિયા પણ વરસાદ વધુ હોઈ સલાયા ગોઇંજ જતા રસ્તા ઉપર આવેલ કોઝવે ઉપરથી ફરી પાણી વહેવા લાગ્યું હતું, રોડ રસ્તા ઉપર પણ પાણી ફરી વળ્યા હતા. સલાયા તથા આજુબાજુના ગામોમાં કમોસમી વરસાદના લીધે ખેડૂતોને ભારે નુકશાન થયાના સમાચાર મળી રહ્યા છે.

મગફળી અને કપાસ બંને પાકોને નુકશાની જવાના સમાચાર મળ્યા છે. ઘણા ખેડૂતોએ મગફળી ઉપાડી લીધી હતી અને ખેતરમાં પાથરા પડ્યા હતા એમને મોઢા પાસે આવેલ કોડયો છીનવાયા જેવી સ્થિતિ ઉભી થઇ હતી. હાલ આ વરસાદથી ખેડૂતોને ઘણી નુકશાની જવા પામી છે.