તીવ્ર ઠંડીમાં ધીમે ધીમે રાહત મળી રહી છે અને લઘુતમ તાપમાનનો પારો સતત ઉંચે ચડી રહ્યો છે. આગામી ચાર દિવસ દરમિયાન ત્રણથી ચાર ડિગ્રી જેટલું તાપમાન હજુ વધશે તેવી શક્યતા છે. જોકે ગિરનાર પર્વત ઉપર ઠંડીનું જોર વધુ રહ્યું છે. આજે ગિરનાર પર્વત ઉપર 5.3 ભવનાથ તળેટીમાં 8.3 ડિગ્રી લઘુતમ તાપમાન રહેવા પામ્યું હતું વાતાવરણમાં ભેજનું પ્રમાણ 85% નોંધાયું છે.

જુનાગઢ શહેરમાં આજનું લઘુતમ તાપમાન 10.3 રાજકોટમાં 10.9 ભુજમાં 11 વેરાવળમાં 15.9 ડિગ્રી અમદાવાદમાં 12.5 ગાંધીનગરમાં 10.8 અને સુરતમાં 17.4 ડિગ્રી લઘુતમ તાપમાન આજે નોંધાયું છે. વાતાવરણમાં ભેજના પ્રમાણની વાત કરીએ તો રાજકોટમાં 88 સુરતમાં 80 અને અમદાવાદના 82% ભેજ આજે સવારે નોંધાયો છે.

અરબી સમુદ્રના સાઉથ ઇસ્ટ ભાગમાં કેરલા નજીક અપર એર સાયક્લોનિક સર્ક્યુલેશન દરિયાની સપાટીથી માત્ર 0.9 કિલોમીટરની ઊંચાઈ પણ છવાયુ છે. આવી બીજી એક સિસ્ટમ બંગાળની ખાડીમાં પણ સાઉથ ઇસ્ટ દિશામાં હિંદ મહાસાગર નજીક જોવા મળે છે. આ બંને સિસ્ટમના કારણે તમિલનાડુ લક્ષદીપ નિકોબાર કેરલામાં ભારે વરસાદની આગાહી કરવામાં આવી છે. બીજી તરફ વેસ્ટર્ન ડિસ્ટર્બન્સ ની અસરના ભાગરૂપે જમ્મુ કશ્મીર લદાખ અને ઉત્તરાખંડમાં ભારે વરસાદની શક્યતા દર્શાવવામાં આવી છે.