ભારતીય મૂળના અવકાશયાત્રી અનિલ મેનન અને બે રશિયન અવકાશયાત્રીઓએ કઝાકિસ્તાનથી સોયુઝ એમએસ–૨૯ અવકાશયાનમાં બેસીને આંતરરાષ્ટ્ર્રીય અવકાશ મથક જવા માટે ઉડાન ભરી છે.અનિલ મેનન અને રશિયન અવકાશયાત્રીઓ પ્યોત્ર ડુબ્રોવ અને અન્ના કિકીનાને લઈને અવકાશયાન બાયકોનુર કોસ્મોડ્રોમથી રવાના થયું છે.જે પૃથ્વીની બે વાર પરિભ્રમણ કરશે. ત્યારબાદ તે રાત્રે ૧૧:૫૬ વાગ્યે સ્ટેશનના ઓપરેશન મોડુલ સાથે આપમેળે ડોક થઈ જશે. નાસાના જણાવ્યા અનુસાર, આ અનિલ મેનનની પહેલી અવકાશયાત્રા છે, યારે બંને રશિયન અવકાશયાત્રીઓ તેમની બીજી અવકાશયાત્રા પર છે.
લોન્ચ દરમિયાન અનિલ મેનનની અવકાશયાત્રી પત્ની, અન્ના વિલ્હેમ, તેમના પરિવારના સભ્યો અને નાસાના એડમિનિસ્ટ્રેટર જેરેડ આઇઝેકમેન સાથે બાયકોનુર કોસ્મોડ્રોમમાં હાજર હતા.
અવકાશ સ્ટેશન પર પહોંચ્યા પછી, ત્રણેય અવકાશયાત્રીઓ નાસાના અવકાશયાત્રીઓ જેસિકા મીર, જેક હેથવે અને ક્રિસ વિલિયમ્સ, યુરોપિયન સ્પેસ એજન્સીના અવકાશયાત્રી સોફી એડેનોટ અને રોસકોસ્મોસ અવકાશયાત્રીઓ સેર્ગેઈ કુડ–સ્વેર્ચકોવ, સેર્ગેઈ મિખીવ અને આન્દ્રે ફેડાયેવ સાથે જોડાશે. અનિલ મેનન, પ્યોત્ર ડુબ્રોવ અને અન્ના કિકીના માટેનું આ મિશન લગભગ આઠ મહિના ચાલશે. ત્રણેય એપ્રિલ ૨૦૨૭ માં પૃથ્વી પર પાછા ફરવાનું આયોજન છે. નાસાના જણાવ્યા અનુસાર, અનિલ મેનન વૈજ્ઞાનિક સંશોધન કરશે અને અવકાશમાં નવી તકનીકોનું પ્રદર્શન કરશે. ધ્યેય માનવ અવકાશ સંશોધનને આગળ વધારવાનો અને પૃથ્વી પર જીવનને લાભદાયી તકનીકો વિકસાવવાનો છે.રશિયાની આંતરરાષ્ટ્ર્રીય માનવતાવાદી સહાય એજન્સી, રોસોટ્રુડનિચેસ્ટવોના વડા, યેલેના રેમિઝોવાએ અગાઉ સરકારી સમાચાર એજન્સીને જણાવ્યું હતું.