દાખલાની એક કોપીના રૂા. 50 અને ત્યારબાદ લેઇટ ફી લેવાશે

જામનગર મહાનગરપાલિકાના આરોગ્ય વિભાગ હસ્તકના જન્મ-મરણ વિભાગમાં  ગુજરાત સરકારની મંજુરીથી આરોગ્ય અને પરિવાર કલ્યાણ વિભાગ-ગાંધીનગર દ્વારા જન્મ-મરણ નોંધણી સુધારા નિયમો ગુજરાત ગવર્મેન્ટ ગેઝેટ  ૨૭/૦૨/૨૦૨૫ થી જાહેરનામાં પ્રસિધ્ધ કરેલ છે.​​​​​​​

ઉપરોક્ત બાબતે હેલ્થ એન્ડ કેમેલી વેલફેર ડીપાર્ટમેન્ટના નોટીફીકેશનમાં સુધારણા મુજબ જન્મ-મરણ વિભાગ જામનગર મહાનગરપાલિકા દ્વારા વસૂલવામાં આવતી ફી માં સુધારો કરવામા આવ્યો છે.

જેમાં નોંધ શોધાઈ ૨૦ રૂપિયા, જન્મ-મરણના પ્રમાણપત્રની એક નકલના ૫૦ રૂપિયા, ૨૧ દિવસથી ઉપર પરંતુ ૩૦ દિવસની અંદર નોંધણી માટે લેઇટ ફી ૨૦ રૂપિયા, ૩૦ દિવસ ઉપર પરંતુ ૧ વર્ષની અંદર નોંધણી માટે લેઇટ ફી રૂ. ૫૦ અને ૧ વર્ષથી ઉપરના નોંધણીના બનાવો માટે જ્યુડીશીયલ મેજીસ્ટ્રેટ પ્રથમવર્ગ અથવા સીટી મેજીસ્ટ્રેટના હુકમથી થતી નોંધણી માં લેઇટ ફી રૂ. ૧૦૦ વસૂલવામાં આવશે.

જન્મ-મરણના જુદાં-જુદાં દરોનો વધારો તા.૦૧/૦૫/૨૦૨૫  થી લાગુ કરવામાં આવશે હોય જેની તમામ જાહેર જનતા એ નોંધ લેવી.