દિવાળીમાં વીદેશના બદલે ડોમેસ્ટીક ટુરનો વધુ ટ્રેન્ડ હોવાનું તેમણે ઉમેર્યું હતું. દિપાવલીના તહેવારો દેશ તેમજ વીદેશના ખ્યાતનામ પ્રવાસન સ્થળોએ ઉજવી યાદગાર સંભારણા બનાવવાનું પ્રમાણ દર વર્ષે વધી રહ્યું છે. દર વર્ષે દિવાળીના ફટાકડા તેમજ અન્ય ચીજવસ્તુઓમાં ભાવ વધારો જોવા મળે છે. પરંતુ આ વર્ષે જીએસટીમાં ઘટાડાના કારણે ઇલેકટ્રીક ઉપકરણો સહીત અન્ય ચીજવસ્તુઓના ભાવમાં નોંધપાત્ર ઘટાડો થયો છે.


ત્યારે મંદી અને મોંઘવારી ભૂલીને દેશ તેમજ વીદેશના ફરવાના સ્થળો પર પ્રકાશના પર્વની ઉજવણી કરવા માટે ઘણા શહેરીજનો ગયા છે. આ માટે શહેરીજનો રૂ.૩૫૦૦૦ થી ૧૫૦૦૦૦ સુધીનો ખર્ચ પણ કરી રહ્યા છે. ડોમેસ્ટીક એટલ કે દેશના પ્રવાસન સ્થળો પર બે વ્યકિત જયારે વીદેશ ટુરમાં વ્યકિત દીઠ ખર્ચનો ટુર પેકેજમાં સમાવેશ થાય છે. દેશ તેમજ વીદેશમાં ટુર માટે આવાગમનના માઘ્યમોનું પ્રમાણ વધતા દિવાળીના તહેવારોમાં શહેરીજનોમાં ફરવા જવા માટેનું પ્રમાણ વઘ્યું છે. આમ સમૂહમાં દિવાળીની ઉજવણીની પરંપરા ધીમે ધીમે બદલાઇ રહી છે.


હાલારના ઐતીહાસીક સ્થળો, ફાર્મ હાઉસમાં ઉજવણીનો ક્રેઝ

દિવાળીના તહેવારોમાં હાલારના ઘુમલી, દ્રારકા તેમજ અન્ય પ્રવાસન સ્થળો પર મોટી સંખ્યામાં લોકો ફરવા જઇ રહ્યા છે. તદઉપરાંત શહેર-જિલ્લામાં આવેલા ફાર્મ હાઉસમાં રોકાઇને પણ ફરવાની સાથે દિવાળીના તહેવારોની ઉજવણીનો ક્રેઝ વઘ્યો છે. ઘોંઘાટ અને ભાગદોડથી ભરેલા જીવનમાં શાંતિ મેળવવા દિવાળીના તહેવારોમાં ફરવા જવાનો ટ્રેન્ડ વઘ્યો છે. ​​​​​​​


શહેરીજનોમાં ફરવા જવાનું   પ્રમાણ ગત વર્ષ કરતાં વઘ્યું...
જામનગરવાસીઓમાં દિવાળીની ઉજવણીને યાદગાર બનાવવા માટે બહાર ફરવા જવાનું પ્રમાણ દર વર્ષે વધી રહ્યું છે. ચાલુ વર્ષે દીવાળીના તહેવારમાં કાશ્મીર, હીમાચલ પ્રદેશ, ગોવા, મહાબળેશ્વર, રાજસ્થાન, દુબઇ સહીતના સ્થળો પર શહેરીજનો ગયા હોવાનુ અને આ પ્રમાણ ગત વર્ષ કરતા વધુ હોવાનું પણ ટુર ઓપરેટરોએ જણાવ્યું છે. 
​​​​​​​