જયારે લાલપુર તાલુકામાં છેલ્લાં ૩ વર્ષ વાવેતર વિસ્તાર વઘ્યો છે. જયારે જામજોધપુર, જામનગર અને કાલાવડ તાલુકામાં વાવેતર વિસ્તારમાં સરેરાશ નોંધપાત્ર ઘટાડો નોંધાયો છે. શહેરીકરણની આંધળી દોટમાં અને લગ્ન સહીત અન્ય સામાજીક સમસ્યાના કારણે ગ્રામ્યમાંથી શહેરમાં સ્થળાતંર કરી અન્ય વ્યવસાય કરવાનું પ્રમાણ વધતા ખેતી તરફનો ઝૂકાવ ઘટી રહ્યો છે. ત્યારે આ તમામ પરિબળો વચ્ચે વાવેતર વિસ્તારમાં સરેરાશ ઘટાડો લાલબતી સમાન હોવાનું તજજ્ઞોએ જણાવ્યું છે. 


કમોમસી વરસાદથી પાક નિષ્ફળ જતાં ખેડૂતોનો ખેતી તરફનો ઘટતો ઝૂકાવ

ઋતુચક્રમાં ફેરફારના કારણે કમોસમી વરસાદનું પ્રમાણ દર વર્ષે વધી રહ્યું છે. જેના કારણે પાકમાં રોગના કારણે ખેડૂતોને મોઢે આવેલો કોળિયો ઝૂંટવાઇ જતા રાતે પાણીએ રોવાનો વારો આવે છે. આ કપરી સ્થિતિમાં સરકાર દ્રારા પાકના વાવેતર પાછળ કરવામાં આવેલા ખર્ચની સામે ખૂબજ નજીવી સહાય ખેડૂતોને મળે છે. આથી માવઠાના મારથી પાક નિષ્ફળ જતાં ખેડૂતોનો ખેતી તરફનો ઝૂકાવ ઘટી રહ્યો હોવાનું કૃષિ તજજ્ઞોએ જણાવ્યું છે. ​​​​​​​


ખેતીની જમીનમાં પવનચક્કી અને સોલાર સિસ્ટમના ઉંચા ભાડા પણ મહત્વનું પરિબળ 
જામનગર સહીત રાજયભરમાં દરિયાકાંઠાના જિલ્લાઓમાં ખેતીની જમીનમાં પવનચકકી ઉભી કરવાનું પ્રમાણ દિન-પ્રતિદિન વધી રહ્યું છે. આ માટે પવનચકકીની કંપનીઓ દ્રારા ખેડૂતોને નિયત ભાડું ચૂકવવામાં આવે છે. ત્યારે ખેતીની જમીનમાં પવનચકકી ઉભી કરવાથી નિયમિત ભાડાની આવક ખેડૂતોને મળે છે. બીજી બાજુ છેલ્લાં થોડા સમયથી ખેતરોમાં સોલાર સિસ્ટમ ઉભી કરવાથી નિયમિત ભાડું પણ ખેડૂતોને મળે છે. આથી પાક થાય કે નિષ્ફળ જાય ભાડાની આવક મળે તે માટે ખેતી  જમીનમાં પવનચકકી અને સોલાર સિસ્ટમનું પ્રમાણ વધતા વાવેતર વિસ્તાર ઘટવા પાછળ આ પણ એક મહત્વનું પરિબળ હોવાનું તજજ્ઞોએ જણાવ્યું છે. ​​​​​​​