પોરબંદરના જુદા-જુદા વિસ્તારને સ્વચ્છ કરતા ૧૩૨ જેટલા કોન્ટ્રાકટબેઝ સફાઇ સૈનિકોને મનપાએ છૂટા કરી દીધા બાદ કામ પર નહીં લેતા તેઓના ઉપવાસ આંદોલન ચાલી રહ્યા છે ત્યારે સામાજિક અગ્રણીઓ પણ તેમની મદદે ગયા છે અને તેઓને કામ પર લેવાની માંગ કરી રહ્યા છે.
શહેરની તંદુરસ્તી જાળવવા અને નાગરિકોને સ્વચ્છ પર્યાવરણ ઉપલબ્ધ કરાવવા માટે સતત સેવા આપતા ૧૩૨ જેટલા સફાઈ કામદારોને ફરીથી નોકરી ઉપર પરત લેવા માટે સામાજિક અગ્રણી અનિલ બથિયા એ તેમની ટીમ સાથે મુલાકાત લઇ અને માંગ કરી છે.
શહેરના વિકાસ અને નાગરિકોના આરોગ્ય માટે સફાઈ કામદારોનું યોગદાન અગત્યનું છે. તેમનું નોકરીમાંથી વિમુક્ત થવું માત્ર તેમના પરિવારજનો માટે નહીં પણ સમગ્ર શહેર માટે નુકશાનકારક સાબિત થઈ શકે છે. એવી સ્થિતિમાં તત્કાલ અસરથી આ તમામ કામદારોને ફરીથી નિયુક્ત કરવામાં આવે તેવી મજબૂત માંગણી અનિલ બથીયા દ્વારા કરવામાં આવી છે.