દારૂના આ દરોડાની જાણવા મળતી વિગતો મુજબ, જસદણ પોલીસ મથકના પીઆઇ ટી.બી.જાનીની રાહબરી હેઠળ ટીમ પેટ્રોલિંગમાં હતી દરમિયાન એવી માહિતી મળી હતી કે, જસદણ ટાઉનમાં જુના બસ સ્ટેન્ડથી આગળ રહેતા દિલીપ વલકુભાઈ ધાધલે પોતાના કબજા વાળા જીડીએસ ગેસ્ટ હાઉસ નીચે આવેલ દુકાનમાં દારૂનો જથ્થો ઉતાર્યો છે.

આ બાતમીના આધારે પોલીસની ટીમે અહીં દરોડો પાડતા દુકાનમાંથી અલગ અલગ બ્રાન્ડનો રૂપિયા 2.51 લાખની કિંમતનો 360 બોટલ દારૂનો જથ્થો મળી આવ્યો હતો. પોલીસે દુકાનમાંથી દારૂનો આ જથ્થો અને ફ્રુટના પ્લાસ્ટિકના કેરેટ નંગ 10 સહિત કુલ રૂપિયા 2,52,724 નો મુદ્દામાલ કબજે કરી અહીં દારૂનો જથ્થો ઉતારનાર ગેસ્ટ હાઉસ સંચાલક દિલીપ વલકુભાઈ ધાધલ (રહે. ધાધલ શેરી, જસદણ) વિરુદ્ધ ગુનો નોંધી તેને ઝડપી લેવા માટે તપાસ હાથ ધરી છે

આ કામગીરીમાં જસદણ પોલીસ મથકના પીઆઇ ટી.બીજાનીની રાહબરી હેઠળ એએસઆઈ જયંતીભાઈ મજેઠીયા, હેડ કોન્સ્ટેબલ અરૂણભાઇ ખટાણા, કોન્સ્ટેબલ ભાવેશભાઈ છૈડા, અનિલભાઈ સરવૈયા, સંજયભાઈ રાણવા, લાખાભાઈ મુછાર અને અજીતભાઈ સોનારા સાથે રહ્યા હતા.