ગોંડલનમાં ભગવતપરા બેઠા પુલ ઉપરથી મનો દિવ્યાંગ યુવકને કોઈ અજાણ્યા ત્રણથી ચાર શખસોને ઉંચકી નીચે ફેંકી દેતા ઈજાઓ થવાથી રાજકોટ સિવિલ હોસ્પિટલમા ખસેડવામાં આવ્યો છે.

બનાવની પ્રાપ્ત વિગત મુજબ ગોંડલના ભગવતપરા-3માં રહેતો હર્ષ વિજયભાઈ નાનાણી (ઉ.વ.18)નો સાંજે છએક વાગ્યે ઘરેથી કોલેજ ચોક તરફ પિતાની લારીએ જતો હતો ત્યારે ભગવતપરાના બેઠા પુલ પાસે પહોંચતા સામા મળેલા અજાણ્યા શખ્સોએ ઉભો રાખી ઉંચકીને 20 ફૂટ ઉંચે પુલ પરથી નીચે પછાડતા ઈજાઓ થવાથી પ્રથમ ગોંડલ બાદ વધુ સારવાર માટે રાજકોટ સિવિલ હોસ્પિટલમાં ખસેડવામાં આવ્યો હતો. બનાવ અંગે હોસ્પિટલ ચોકીના સ્ટાફે ગોંડલ એ ડિવિઝન પોલીસને જાણ કરી હતી. હર્ષ એક ભાઈ એક બહેનમાં નાનો છે અને મનોદિવ્યાંગ છે, તેના પિતા કોલેજ ચોકમાં ડુંગળી બટેકાની લારી રાખી વેપાર કરે છે. સાંજે પિતાની લારીએ જતો હતો ત્યારે કોઈ નશાની હાલતમાં શખસોએ બોલાવી ઉપરથી નીચે ફેંકી દીધો હોવાનું જણાવ્યું હતું.