પ્રધાનમંત્રી નરેન્દ્ર મોદીની અધ્યક્ષતામાં કેન્દ્રીય મંત્રીમંડળે શુક્રવારે ત્રણ મોટા નિર્ણયો લીધા. કેન્દ્રીય મંત્રી અશ્વિની વૈષ્ણવે જણાવ્યું હતું કે, ૨૦૨૭ની વસ્તી ગણતરી અંગે નિર્ણય લેવામાં આવ્યો હતો. આ માટે ૧૧,૭૧૮ કરોડ રૂપિયાનું બજેટ પસાર કરવામાં આવ્યું હતું. બીજું, કોલસા અથવા ઉર્જા ક્ષેત્રમાં એક મોટો સુધારો કરવામાં આવ્યો છે. ત્રીજું, ખેડૂતો સંબંધિત નિર્ણય લેવામાં આવ્યો છે.

ભારતની પહેલી ડિજિટલ વસ્તી ગણતરી થશે

કેન્દ્રીય મંત્રી અશ્વિની વૈષ્ણવે કહ્યું હતું કે, ૨૦૨૭ની વસ્તી ગણતરી પહેલી ડિજિટલ વસ્તી ગણતરી હશે. ડેટા સુરક્ષાને ધ્યાનમાં રાખીને વસ્તી ગણતરીની ડિજિટલ ડિઝાઇન બનાવવામાં આવી છે. તે બે તબક્કામાં હાથ ધરવામાં આવશે. પ્રથમ તબક્કો ૧ એપ્રિલથી સપ્ટેમ્બર ૨૦૨૬ દરમિયાન ઘર સૂચિ અને રહેઠાણ ગણતરી હશે. બીજો તબક્કો ફેબ્રુઆરી ૨૦૨૭માં વસ્તી ગણતરી હશે. કેન્દ્રીય મંત્રીએ ઉમેર્યું, પ્રથમ વખત ડિજિટલ વસ્તી ગણતરી હાથ ધરવામાં આવશે, જેમાં મોબાઇલ એપ્લિકેશન દ્વારા ડેટા એકત્રિત કરવામાં આવશે. આ એપ્લિકેશન હિન્દી, અંગ્રેજી અને પ્રાદેશિક ભાષાઓમાં ઉપલબ્ધ હશે.

કોલસા ઉત્પાદન અંગે સરકારનો નિર્ણય

કેન્દ્રીય મંત્રીમંડળે કોલસાની હરાજી માટે "કોલસા પુલ" નામની નવી સિસ્ટમને મંજૂરી આપી. કેન્દ્રીય મંત્રીએ કહ્યું, "કોલસા પુલનો અર્થ એ છે કે ભારત કોલસા ઉત્પાદનમાં આત્મનિર્ભર બની રહ્યું છે, આયાત પરની નિર્ભરતા દૂર કરી રહ્યું છે. આયાતી કોલસા પરની નિર્ભરતા ઓછી થવાને કારણે આપણે રૂ.60,000 કરોડ બચાવી રહ્યા છીએ. 2024-25માં કોલસાનું ઉત્પાદન 1 અબજ ટન સુધી પહોંચવાની ધારણા છે. રેલ્વે અને કોલસો એક રીતે ભાગીદાર છે. સ્થાનિક વીજ પ્લાન્ટમાં કોલસાનો રેકોર્ડ ઊંચો સ્ટોક બનાવવામાં આવ્યો છે.

ખેડૂતો અંગે મોદી સરકારનો મુખ્ય નિર્ણય

કેન્દ્રીય મંત્રી અશ્વિની વૈષ્ણવે જણાવ્યું હતું કે, કેન્દ્રીય મંત્રીમંડળે 2026 માટે પીસેલા કોપરા માટે રૂ.12,027 પ્રતિ ક્વિન્ટલ અને રૂ.12,500 પ્રતિ ક્વિન્ટલ લઘુત્તમ ટેકાના ભાવ (MSP)ને મંજૂરી આપી છે. નાફેડ અને NCCF આ માટે નોડલ એજન્સીઓ હશે.