જાણવા મળતી વિગતો મુજબ, બાળકીના પિતાએ પોલીસને જણાવ્યું હતું કે, તે કડિયા કામની મજૂરી કરી પરિવારનું ગુજરાન ચલાવે છે. સંતાનમાં ત્રણ વર્ષની પુત્રી અને સાત વર્ષનો પુત્ર છે. પત્ની એકાદ માસ પૂર્વે તેને અને સંતાનોને મૂકી ચાલી ગઈ હતી. જેથી તે બાળકોને નજીકમાં રહેતા સાસુના ઘરે જમવા માટે લઈ જતા હતા અને રાત્રે બાળકોને પરત ઘરે સુવા માટે લઈ આવતા હતા. ગઈકાલ રાત્રે બંને બાળકો સાથે સૂઈ ગયા હતા તેની બાજુમાં પુત્રી અને ત્યારબાદ પુત્ર એવી રીતે સુતા હતા મોડી રાત્રે ઊંઘ ઉડતા બાજુમાં સુતેલી ત્રણ વર્ષની પુત્રી જોવા મળી ન હતી. જેથી પુત્રને જગાડી બાળાની શોધખોળ શરૂ કરી હતી.

બાદમાં સાસુના ઘરે જઈ તપાસ કરતા ત્યાંથી પણ મળી ન આવતા અંતે ફરિયાદ નોંધાવતા ગાંધીગ્રામ પોલીસ મથકના પીઆઇ એસ.આર.મેઘાણીની રાહબરીમાં પીએસઆઇ એમ.વી.જાડેજા તથા ટીમે તપાસ હાથ ધરી હતી. પોલીસની તપાસમાં તેની માતા પૂર્વ પાડોશી સાથે એકાદ મહિના પૂર્વે ચાલી ગઈ હોય ત્યારે તેની માતા જ બાળકીને ઉઠાવી ગયાની શંકા હોય તે દિશામાં તપાસ હાથ ધરી છે.