EPFOએ ફોર્મ ૧૩માં ઘણા મોટા બદલાવ કર્યા છે, જેના પછી પીએફ ખાતામાં જમા થનાર વ્યાજ ટેક્સેબલ હશે કે પછી નોન-ટેક્સેબલ. તેના વિશે સરળતાથી જાણી શકાશે.

કર્મચારી ભવિષ્ય નિધિ સંગઠન (EPFO)એ હાલમાં ઘણા અપડેટ્સની જાહેરાત કરી છે. આ અપડેટ્સ પછી પીએફ ખાતું ઓપરેટ કરવું સરળ તો બનશે જ સાથે જ ક્લેમ સેટલમેન્ટ અને પૈસા ટ્રાન્સફર કરવા પહેલાં કરતાં ઘણા સરળ થઈ જશે. આ સાથે જ EPFOના આ અપડેટથી એમ્પ્લોયર અને એમ્પ્લોઈ બંનેને ઘણા ફાયદા મળશે. આ ફાયદાઓ વિશે અમે તમને અહીં વિગતવાર જણાવી રહ્યા છીએ, જેના પછી EPFO ખાતાધારકો પીએફ, UAN સહિતના અન્ય કામો સરળતાથી પૂરા કરી શકશે.

ફોર્મ ૧૩નું નવું વર્ઝન
EPFOએ નોકરી બદલવા પર પીએફ ટ્રાન્સફર કરવાવાળા ફોર્મ ૧૩નું અપડેટેડ એડિશન જાહેર કર્યું છે, જે EPFO સભ્યોને નોકરી બદલવા પર પીએફ ખાતામાં જમા પૈસાને બીજા ખાતામાં ટ્રાન્સફર કરવાનું સરળ બનાવશે. તમને જણાવી દઈએ કે EPFOનું અપડેટેડ ફોર્મ ૧૩ તમને પહેલાંથી જ ઉપલબ્ધ ફોર્મ ૧૯માં મળતી ઘણી સુવિધાઓને આગળ વધારવાનું કામ કરશે.

પીએફ વ્યાજ ટેક્સેબલ કે નોન-ટેક્સેબલ
EPFOએ ફોર્મ ૧૩માં ઘણા મોટા બદલાવ કર્યા છે, જેના પછી પીએફ ખાતામાં જમા થનાર વ્યાજ ટેક્સેબલ હશે કે પછી નોન-ટેક્સેબલ. તેના વિશે સરળતાથી જાણી શકાશે. આ સાથે જ અપડેટેડ ફોર્મ ૧૩થી ટીડીએસની સાચી ગણતરી કરી શકાશે અને તેમાં કોઈ પ્રકારની ભૂલની શક્યતા ઓછી રહેશે.

UAN જનરેટ કરવું થયું સરળ
હવે એમ્પ્લોયર આધાર કાર્ડ વગર પણ મોટી સંખ્યામાં UAN નંબર જનરેટ કરી શકશે. આ સાથે જ આ સુવિધાનો લાભ પીએફ ટ્રસ્ટ સાથે જોડાયેલા સભ્યોને પણ થશે, જેમનું કાં તો EPFOમાં વિલિનીકરણ થઈ ગયું છે અથવા તેમની છૂટ રદ કરવામાં આવી છે. તો આ બદલાવ પછી એમ્પ્લોયર હવે આધાર વગર હાલના સભ્ય આઈડી અને ઉપલબ્ધ ડેટાની મદદથી મોટી સંખ્યામાં એમ્પ્લોઈના UAN જનરેટ કરી શકશે. જોકે આ UAN ત્યારે જ એક્ટિવ થશે જ્યારે તેમાં આધાર આઈડી ફીડ કરવામાં આવશે.

EPFOના બાકી પેમેન્ટ
ઘણા સમયથી કર્મચારી ભવિષ્ય નિધિ સંગઠન સામે ઘણા પીએફ ખાતાધારકોએ ફરિયાદ કરી હતી કે તેમનું પીએફ અમાઉન્ટ સ્ટાન્ડર્ડ ઇલેક્ટ્રોનિક ચલણ કમ રિટર્ન (ECR) સિસ્ટમ દ્વારા નથી મળી રહ્યું. આવા કિસ્સામાં EPFO તરફથી સ્પષ્ટ કરવામાં આવ્યું હતું કે આવા પીએફ ખાતાધારકોને એકવાર ડિમાન્ડ ડ્રાફ્ટ દ્વારા પીએફ અમાઉન્ટનું ભુગતાન કરવામાં આવશે.