સ્વામિનારાયણ મંદિર વડતાલધામ સંચ ાલિત સુપ્રસિદ્ધ યાત્રાધામ સાળંગપુરધામ શ્રીકષ્ટભંજનદેવ હનુમાનજી મંદિર ખાતે પણ શ્રાવણ મહિનાની ભવ્યાતિભવ્ય ઉજવણી કરવામાં આવી રહી છે. આજે  શાસ્ત્રી સ્વામી  હરિપ્રકાશદાસની  પ્રેરણા અને કોઠારી વિવેકસાગર સ્વામિના માર્ગદર્શનથી પવિત્ર શ્રાવણ માસ અંતર્ગત - સોમવાર નિમિત્તે તા.૦૨-૦૯-૨૦૨૪ ને સોમવારના રોજ  કષ્ટભંજનદેવ હનુમાનજી દાદાને દિવ્ય શણગાર કરવામાં આવ્યો હતો એવં સવારે ૦૫:૪૫ કલાકે શણગાર આરતી પૂજારી સ્વામી -અથાણાવાળા દ્વારા કરવામાં આવ્યો હતો.  આજે કરાયેલા શણગાર વિશે પૂજારી સ્વામીએ જણાવ્યું હતું  કે, આજે દાદાને પંચમુખીની થીમવાળા વાઘા અને સિંહાસને શણગાર કરાયો છે. ભક્તોએ ચાર દિવસની મહેનતે આ શણાગર બનાવ્યો છે. વાઘા ચાર દિવસની મહેનતે રાજકોટમાં બન્યા છે. ૬ સંતો, પાર્ષદ અને ભક્તોને આ શણગાર કરતાં ચાર કલાક લાગ્યા હતાં. શ્રાવણ માસ દરમિયાન  હનુમાન ચાલીસા યજ્ઞ અનુષ્ઠાન તેમજ  હરિ મંદિરમાં દિવ્ય હિંડોળાના આ અનેરા દર્શનની સાથોસાથ આજે મંદિરના પટાંગણમાં આવેલ દર્શનનો લાભ હજારો ભક્તોએ પ્રત્યક્ષ તેમજ ઓનલાઈન લઈ ધન્યતાનો અનુભવ કર્યો હતો.