અગાઉ રાજકોટમાં ફરજ બજાવી ચૂકેલા હાલમાંં મહેસાણામાં ફરજ બજાવનાર પીએસઆઇ જે.કે.ગઢવીની કામગીરીની કદરરૂપે પીઆઇ તરીકે બઢતી આપવામાં આવી છે.મૂળ જામનગરના જાંબુડા ગામના વતની જે.કે.ગઢવી વર્ષ ૨૦૧૩ માં કોન્સ્ટેબલ તરીકે પોલીસમાં જોડાયા બાદ વર્ષ ૨૦૧૬ માં તેમને પીએસઆઇ તરીકે પ્રમોશન મળ્યું હતું.પીએસઆઇ તરીકે તેમણે રાજકોટમાં થોરાળા,આજીડેમ પોલીસ સ્ટેશન અને સાયબર ક્રાઇમ પોલીસ સ્ટેશનમાં ફરજ બજાવી મહત્વની કામગીરી કરી હતી. બાદમાં તેમની મહેસાણા ખાતે બદલી થઇ હતી.દરમિયાન તેમની નિષ્ઠાપૂર્વકની ફરજને ધ્યાને લઇ પીઆઇ તરીકે બઢતી આપવામાં આવી છે.હાલ તેઓને મહેસાણામાં જ પોસ્ટીંગ અપાયું છે.જે.કે.ગઢવીને પીઆઇ તરીકે બઢતી મળતા તેમના માતા જશુબેન ગઢવી અને ભાઇ મયુરભાઇ ગઢવી ઉપરાંત ગઢવી સમાજમાં ગૌરવની લાગણી અનુભવી છે.પીઆઇ તરીકે પ્રમોશન મેળવનાર જે.કે.ગઢવીને તેમના બહોળા મિત્ર વર્તુળ અને સાથી કર્મચારી દ્વારા તેમના મોબાઇલ નં. ૭૦૬૯૨ ૫૮૨૫૮ ઉપર શુભકામના પાઠવવામાં આવી રહી છે.