પ્રજાસત્તાક પર્વની પૂર્વસંધ્યાએ જાહેર થયેલા પદ્મ પુરસ્કારોમાં આ વખતે ભારતની આર્થિક તાકાત ગણાતા ઉદ્યોગ સાહસિકોનો દબદબો જોવા મળ્યો છે. કેન્દ્ર સરકારે વર્ષ ૨૦૨૬ માટે જાહેર કરેલા કુલ ૧૩૧ પદ્મ પુરસ્કારોમાં બેન્કિંગ, ડિફેન્સ, મેન્યુફેક્ચરિંગ અને ટેક્સટાઈલ ક્ષેત્રના દિગ્ગજોના નામ સામેલ છે.

આ સન્માન એવા ઉદ્યોગપતિઓને આપવામાં આવ્યું છે જેમણે માત્ર નફો જ નથી કમાયો, પરંતુ દેશના સંરક્ષણ અને સમાજસેવામાં પણ અપ્રતિમ યોગદાન આપ્યું છે.

કોર્પોરેટ જગતના ‘પદ્મ’ સિતારાઓ
આ વર્ષે ઉદ્યોગ અને વેપાર ક્ષેત્રમાં વિશિષ્ટ યોગદાન બદલ નીચે મુજબના મહાનુભાવોને સન્માનિત કરવામાં આવ્યા છે:

ગુજરાતનું ગૌરવ: સુરતના નીલેશ માંડલેવાલા
સુરતના જાણીતા ટેક્સટાઈલ ઉદ્યોગપતિ નીલેશ માંડલેવાલાને પદ્મ શ્રી સન્માન મળવું એ ગુજરાત માટે ગૌરવની વાત છે. તેમણે પોતાની સંસ્થા ‘ડોનેટ લાઈફ’ દ્વારા અંગદાનના ક્ષેત્રમાં રાષ્ટ્રીય સ્તરે જાગૃતિ ફેલાવીને હજારો લોકોના જીવ બચાવવામાં મહત્વની ભૂમિકા ભજવી છે.

અન્ય મહત્વના પદ્મ સન્માન
ઉદ્યોગ જગત ઉપરાંત કલા અને જાહેર જીવનની હસ્તીઓ પર પણ સન્માનનો વરસાદ થયો છે:

પદ્મ વિભૂષણ: 
અભિનેતા ધર્મેન્દ્ર, કેરળના પૂર્વ સીએમ વી.એસ. અચ્યુતાનંદન (મરણોત્તર) અને શિબુ સોરેન (મરણોત્તર).

પદ્મ ભૂષણ: 
સિંગર અલકા યાગ્નિક, દક્ષિણના સુપરસ્ટાર મમૂટી, અને ઉત્તરાખંડના પૂર્વ સીએમ ભગતસિંહ કોશ્યારી.

શું છે પદ્મ પુરસ્કારો? 
ભારત સરકાર દ્વારા અપાતા આ સર્વોચ્ચ નાગરિક સન્માનો ત્રણ શ્રેણીમાં વહેંચાયેલા છે:

પદ્મ વિભૂષણ: અસાધારણ અને વિશિષ્ટ સેવા માટે.

પદ્મ ભૂષણ: ઉચ્ચ સ્તરની વિશિષ્ટ સેવા માટે.

પદ્મ શ્રી: કોઈપણ ક્ષેત્રમાં નોંધપાત્ર પ્રદાન માટે.