ભારતીય સેના પ્રમુખ જનરલ ઉપેન્દ્ર દ્વિવેદીએ પાકિસ્તાનને સરહદ પાર આતંકવાદથી દૂર રહેવાની સ્પષ્ટ ચેતવણી આપતા કહ્યું કે 88 કલાકનું ઓપરેશન સિંદૂર માત્ર એક ટ્રેલર હતું. જો ભવિષ્યમાં આવી પરિસ્થિતિ ઊભી થાય, તો અમે અમારા પાડોશી દેશને જવાબદારીપૂર્વક વર્તવાનો પાઠ ભણાવવા તૈયાર છીએ.આર્મી ચીફની આવી સ્પષ્ટ ચેતવણીથી પાકના મનમાં ભય પેસી ગયો છે અને ગમે ત્યારે ભારત સરહદ પર હુમલો કરશે તેવી ચિંતા છે. જો કે પાકિસ્તાની સંરક્ષણ પ્રધાને પ્રતિક્રિયા આપતા એમ કહ્યું કે ભારત દ્વારા કરવામાં આવેલા કોઈપણ દુષ્પ્રેરણાનો યોગ્ય જવાબ આપવામાં આવશે અને તેઓ કોઈપણ પરિસ્થિતિનો સામનો કરવા માટે તૈયાર છે. તેમ છતાં અંદર ખાનેથી તેમનો ભય પણ છાનો રહેતો નથી.આ નિવેદન બાદ, પાકિસ્તાની જનતા ભયની સ્થિતિમાં છે અને સંભવિત હુમલાથી ચિંતિત છે.પાકિસ્તાનના સંરક્ષણ પ્રધાન ખ્વાજા આસિફનો ભારતીય સેનાના ઓપરેશનનો ડર દુનિયાને સ્પષ્ટ દેખાય છે. મંગળવારે તેમણે કહ્યું કે ભારત સરહદ પાર હુમલો કરી શકે છે. તેમણે કહ્યું, "પાકિસ્તાન ભારતીય સેના પ્રમુખના નિવેદનને અવગણી શકે નહીં."

પાકિસ્તાની ટીવી ચેનલ સાથેની મુલાકાતમાં, આસિફે ભારત પર પાયાવિહોણા આરોપો લગાવ્યા. તેમણે કહ્યું કે અફઘાનિસ્તાન ઘૂસણખોરી કરે છે અને ભારત તેમાં ભૂમિકા ભજવે છે.તેમણે કહ્યું કે સાઉદી અરેબિયા, સંયુક્ત આરબ અમીરાત, ઈરાન, ચીન અને અન્ય દેશો પાકિસ્તાનમાં સરહદ પારથી થતી ઘૂસણખોરીને સમાપ્ત કરવા માંગે છે. તેમણે વધુમાં કહ્યું કે અફઘાનિસ્તાન 'આતંકવાદી ઠેકાણું' બની ગયું છે.

પાકિસ્તાની સંરક્ષણ પ્રધાનને બન્ને મોરચે ફસાવાની બીક

આસિફે કહ્યું કે ભારત નથી ઇચ્છતું કે પાકિસ્તાન અને અફઘાનિસ્તાન તેમના મુદ્દાઓ ઉકેલે. તેમણે કહ્યું કે પાકિસ્તાન બે મોરચે ફસાઈ શકે છે, અને આવી સ્થિતિમાં, ભારત યુદ્ધના જોખમને ટાળી શકે છે ઘણા લોકો ભારતને તેના ભૂતકાળના અપમાનની યાદ અપાવે છે. પાકિસ્તાન કોઈપણ રીતે ભારત પર વિશ્વાસ કરી શકતું નથી, અને ભારત સરહદ પાર હુમલો કરવાનો પ્રયાસ પણ કરી શકે છે.આસિફે કહ્યું કે પાકિસ્તાને ગાઝામાં આંતરરાષ્ટ્રીય દળોનો ભાગ બનવું જોઈએ. તેમણે કહ્યું કે પાકિસ્તાન અબ્રાહમ કરારમાં જોડાવાની યોજના ધરાવતું નથી અને કરાર પર તેનું વલણ સંપૂર્ણપણે સ્પષ્ટ છે.તેમણે વધુમાં કહ્યું કે જ્યાં સુધી બે-રાજ્ય ઉકેલ લાગુ ન થાય ત્યાં સુધી પાકિસ્તાન પોતાનું વલણ બદલશે નહીં.

ખ્વાજા આસિફે કહ્યું કે ઝડપી વસ્તી વૃદ્ધિ ટિકિંગ બોમ્બ જેવી છે. તેમણે કહ્યું કે પાકિસ્તાનમાં સૌથી શક્તિશાળી સંસ્થા નોકરશાહી છે, અને જ્યાં સુધી આ સત્તા ચૂંટાયેલા પ્રતિનિધિઓને ટ્રાન્સફર ન થાય ત્યાં સુધી કોઈ મુદ્દો ઉકેલાશે નહીં