ભાવનગર રોડ ઉપર ગઢકા ગામના પાટિયા પાસે નવી બની રહેલી આર.કે.પ્રાઈમની સાઈટ પર પ્લમ્બિંગ કામ કરતી વખતે વીજશોક લાગતા યુવકનું મોત નિપજતા પરિવારમાં ગમગીની છવાઈ છે. કામ કરતી વખતે બ્રેકર હાથમાં હોય જે સ્વિચબોર્ડને અડી જતા શોક લાગ્યો હતો. બનાવના પગલે આજીડેમ પોલીસે જરી કાર્યવાહી કરી હતી.
પ્રા વિગત મુજબ શહેરના જામનગર રોડ ઉપર બજરગં વાડી શેરી નં–૧૩માં રહેતા સંજયભાઈ સવજીભાઈ રજવાડીયા (ઉ.વ.૪૦) નામના યુવક આજે સવારે ભાવનગર રોડ ઉપર ગઢકા ગામના પાટિયા પાસે આર.કે. પ્રાઈમ નામની નવી બનતી બાંધકામની સાઈટ પર પ્લમ્બિંગ કામ કરતા હતા ત્યારે બ્રેકર હાથમાં હોય ત્યારે હાથ પીનને અડી જતા જોરદાર વીજશોક લાગતા ત્યાંજ કડિયાકામ કરતા શ્રમિકો દોડી ગયા હતા અને તાકીદે સિવિલ હોસ્પિટલએ ખસેડી પરિવારને જાણ કરતા પરિવારજનો પણ હોસ્પિટલએ દોડી આવ્યા હતા. સંજયભાઈને સારવાર કારગત નીવડે પહેલા જ દમ તોડી દેતા પરિવારમાં કલ્પાંત સર્જાયો હતો. બનાવ અંગે હોસ્પિટલ ચોકીના સ્ટાફે આજીડેમ પોલીસને જાણ કરતા પોલીસે હોસ્પિટલ પહોંચી જરી કાગળો કર્યા હતા. મૃતક ત્રણ ભાઈ એક બહેનમાં સૌથી નાના હતા અને સંતાનમાં બે દીકરા છે. આગળની તપાસ આજીડેમ પોલીસે હાથ ધરી છે