ભારતની વસતી ગણતરી-૨૦૨૭ મોબાઇલ એપ્લીકેશન દ્રારા ડેટા સંગ્રહ, વસતી ગણતરી સંચાલન અને નીરીક્ષણ પઘ્ધતિ પોર્ટલનો ઉ૫યોગ ઘરયાદી બ્લોકની રચના, વેબ એપ્લીકેશન , સ્વ ગણતરી પોર્ટલ વગેરે જેવી ઘણી નવી પહેલની રજૂઆત સાથે તકનીકી રીતે સઘન બનશે. રાજય, સંઘ પ્રદેશ,જિલ્લા અને ચાર્જ સ્તરે ટેકનીકલ આસીસ્ટન્ટ સહાયકરૂપે આપવામાં આવશે. તદઉપરાં કચેરીની સહાય માટે રાજય-સંઘ પ્રદેશ અને જિલ્લા સ્તરે મલ્ટી-ટાસ્કીંગ સ્ટાફ પણ ઉપલબ્ધ કરાવામાં આવશે. ટેકનીકલ આસીસ્ટન્ટને વધુમાં વધુ મહેનતાણું પ્રતિ મહીને રૂ.૨૫૦૦૦ અને એમટીએસને રૂ.૧૮૦૦૦ આપવામાં આવશે. અન્ય કોઇ નાણાકીય સહાય આપવામાં આવશે નહીં. આ મેનપાવર ટૂંકા સમય માટે કરાર આધારીત નિયુકત કરવામાં આવશે. જિલ્લા, મહાનગરપાલીકા અને ચાર્જ સ્તરે મેનપાવરની નિમણૂંક પ્રમુખ વસતી ગણતરી અધિકારી(જિલ્લા મેજીસ્ટ્રેટ, કલેકટર, ડેપ્યુટી કમિશ્નર, મ્યુનિસીપલ કમિશ્નર દ્રારા રાજયના વર્તમાન નાણાકીય નિયમોનું પાલન કરીને કરવાની રહેશે. આ મેનપાવરની ભરતી સીધી નિમણૂંક દ્રારા નહીં પરંતુ આઉટસોર્સીંગ એજન્સીના માઘ્યમથી કરવાની રહેશે. આ કામ કરી શકે તેવા નિવૃત સરકારી કર્મચારી પણ નિમણૂંક માટે માન્ય કરી શકશે. 


ગણતરીદારો અને સુપરવાઇઝરોને તાલીમ આપવામાં આવશે

વસતી ગણતરી માટે નિયુકત ગણતરીદારો અને સુપરવાઇઝરો તથા અન્ય કાર્યકર્તાઓને તાલીમ આપવામાં આવશે. આ માટે સંપૂર્ણ તાલીમનું માળખાકીય રીતે આયોજન કરવામાં આવ્યું છે. જેમાં ૧૦૦ રાષ્ટ્રીય પ્રશિક્ષકથી શરૂ કરીને જેઓ માસ્ટર ટ્રેનરોને તાલીમ આપશે. આ માસ્ટર ટે્રનરો ૪૪૦૦૦ ફીલ્ડ ટ્રેનરોને તાલીમ આપશે. આ ફીલ્ડ ટ્રેનરો અંદાજે ૩૧ લાખ વસતી ગણતરીદારો અને સુપરવાઇઝરોને તાલીમ આપશે. આ તાલીમ માટે પ્રતિ દીવસ વ્યકિતને રૂ.૬૦૦ થી ૯૦૦ નાણાકીય સહાયની જોગવાઇ કરાઇ છે. 


જિલ્લા અને ચાર્જ સ્તરે ઇન્ફ્રાસ્ટ્રકચર ઉભું કરવા માટે સહાય મળશે

ભારત સરકાર દ્રારા રાજય, જિલ્લા અને ચાર્જ સ્તરે ઇન્ફ્રાસ્ટ્રકચર ઉભું કરવા માટે સહાયતાને મંજૂરી આપવામાં આવી છે. વસતી ગણતરી માટે હાર્ડવેર અને સોફટવેર જેમકે કોમ્પ્યુટર, સોફટવેર, પ્રીન્ટર, યુપીએસ,ઇન્ટરનેટ જોડાણ સહીતની વસ્તુ ખરીદવા માટે એક વખત ગ્રાન્ટ અપાશે. કામગીરીના સંચાલન, નીરીક્ષણ અને નિયંત્રણ માટે અધિકારીઓએ સતત મુસાફરી કરવાની રહેશે. જિલ્લા અને મહાનગરપાલીકા સ્તરે આઇટી ઇન્ફાસ્ટ્રકચર માટે રૂ.૫ લાખ, પીઓએલ-વાહનો ભાડે લેવા માટે રૂ.૫ લાખ અને ચાર્જની દેખરેખ માટે આકસ્મીક રૂ.૫ લાખ રહેશે.