સ્ટેટ જીએસટીની ટુકડીઓએ શહેરના ઔધોગીક વિસ્તારોમાં આવેલા ચાર એકમમાં તપાસ હાથ ધરી હતી. તપાસ દરમ્યાન એસજીએસટીના અધિકારીઓએ ઇનવોઇઝ, ખરીદ-વેચાણના બીલ, કોમ્પ્યુટર સહીતના દસ્તાવેજોની ચકાસણી કરી શંકાસ્પદ સાહીત્ય કબ્જે કર્યું હતું. દરોડાની આ કાર્યવાહી મંગળવારે પણ યથાવત રહી હતી, પરંતુ કૌંભાડના હબ બનેલા જામનગરમાં વધુ એક મસમોટા બોગસ બીલીંગના રેકેટ ખુલવાની આશંકા વ્યકત કરી છે. એસજીએસટીના દરોડાના પગલે ઉધોગકારોમાં દોડધામ મચી ગઇ છે. 


જામનગરના સીએને સુરત ડીજીજીઆઇનું તેડું, નિવેદન માટે બોલાવ્યા કે પછી..? 

જામનગરમાં ગત તા.૭ જાન્યુઆરીના રોજ ડીરેકટોરેટ જનરલ ઓફ જીએસટી ઇન્ટેલીજન્સ(ડીજીજીઆઇ)ની સુરતની ટીમે શહેરના ગ્રીન સીટી રોડ પર આવેલી સીએ બીપીન ભંડેરીની ઓફીસમાં દરોડા પાડયા હતાં. બોગસ બીલીંગ અને જીએસટી નંબરની આશંકાના આધારે પાડવામાં આવેલા દરોડામાં ૩૦ કલાકથી વધુ સર્ચની કાર્યવાહી ચાલી હતી. આ દરમ્યાન ડીજીજીઆઇની ટીમના અધિકારીઓએ ફાઇલો, દસ્તાવેજો અને અન્ય સાહીત્ય તથા કોમ્પ્યુટર સહીતના ઇલેકટ્રોનીક ઉપકરણોની તપાસ કરી શંકાસ્પદ સાહીત્ય કબ્જે કર્યું હતું.

​​​​​​​ ત્યારબાદ સીએને ડીજીજીઆઇની ટીમે સુરતનું તેડું મોકલ્યું હતું. આથી તેે સુરત ગયા હતાં. ત્યારે ડીજીજીઆઇની ટીમે સીએને નિવેદન આપવા માટે કે પૂછપરછ માટે બોલાવ્યા છે? અને કાર્યવાહી પછી તેની ધરપકડ કરવામાં આવી છે કે કેમ તે તપાસનો વિષય બન્યો છે અને આ અંગે તરેહ તરેહની ચર્ચા સીએ તથા જીએસટી વર્તુળોમાં ચાલી રહી છે.​​​​​​​