ધોરાજી પોલીસ મથકમાં ચોરીના ગુનામાં પૂછપરછ માટે લાવવામાં આવેલા યુવાને પોલીસ સ્ટેશનમાં આવેલા મહિલાઓના બાથમમાં જઈ ગળાફાંસો ખાઈ આપઘાત કરી લેતા પોલીસ સ્ટાફમાં દોડધામ મચી જવા પામી હતી. ઘટનાના પગલે એસપી સહિતનો પોલીસ કાફલો ધોરાજી દોડી ગયો હતો.
બનાવની પ્રા વિગત મુજબ ધોરાજીના ભરપુર સિધ્ધાર્થનગરમાં રહેતો કમલેશ ઉર્ફે મોહન કેશુજી પરમાર (ઉ.વ.૩૦)ના યુવકને ધોરાજી પોલીસ મોબાઈલ ચોરીના ગુનામા પુછપરછ માટે લાવી હતી. દરમિયાન ગઈકાલે બપોરના સમયે યુવક પોલીસ મથકમાં હતો ત્યારે મહિલાના બાથમમાં જઈ ફાંસો ખાઈ આપઘાત કરી લીધો હતો. કેટલીક વાર સુધી યુવક બહાર ન આવતા પોલીસ સ્ટાફ અંદર જોવા જતા યુવક લટકતી હાલતમાં જોવા મળતા તેને બચાવી ૧૦૮ને જાણ કરી હતી. ૧૦૮ની ટિમ દ્રારા યુવકને સીપીઆર આપવામાં આવ્યા હતા અને તાકીદે ધોરાજી સરકારી હોસ્પિટલ ખાતે ખસેડવામાં આવ્યો હતો પરંતુ યુવકનો જીવ બચી શકયો નહતો. કસ્ટોડિયલ ડેથની ઘટનાને લઇ પોલીસમાં સોપો પડી ગયો હતો. બનાવની જાણ ઉચ્ચ અધિકારીઓને કરવામાં આવતા રાજકોટ જિલ્લા પોલીસ વડા સહિતનો કાફલો ધોરાજી દોડી ગયો હતો અને પોલીસ સ્ટેશન ખાતે ચુસ્ત બંદોબસ્ત ગોઠવી દેવામાં આવ્યો હતો. યુવકના મૃતદેહને પીએમ માટે રાજકોટ સિવિલ હોસ્પિટલ ખસેડી જરી કાર્યવાહી કરવામાં આવી હતી