સરકારની અનેકવિધ સેવાઓ નાગરિકોને ઘર નજીક મળી રહે તે હેતુ સાથે સમગ્ર રાજ્યમાં સેવા સેતુ કાર્યક્રમ યોજાઈ રહ્યા છે, ત્યારે દ્વારકામાં એન.ડી.એચ. હાઈસ્કુલ ખાતે.આર.એસ.પી.એલ. (ઘડી) કંપનીના સહયોગથી દેવભૂમિ દ્વારકા જિલ્લા વહીવટી તંત્ર અને દ્વારકા નગરપાલિકા દ્વારા સેવા સેતુ કાર્યક્રમ અને મેડિકલ કેમ્પ યોજાયો હતો.

આ મેડિકલ કેમ્પમાં નાગરિકોએ નિષ્ણાંત ડોકટરો દ્વારા નિઃશુલ્ક તબીબી તપાસ અને સલાહ તેમજ દવાઓ મેળવી હતી. આ સાથે રક્તદાન કેમ્પ પણ યોજવામા આવ્યો હતો. આ કાર્યક્રમમાં મોટી સંખ્યામાં નગરજનો તથા આસપાસના ગ્રામજનોએ ઉત્સાહપૂર્વક ભાગ લઈને કાર્યક્રમને સફળ બનાવ્યો હતો.