જુગારના આ દરોડાની જાણવા મળતી વિગતો મુજબ, પ્ર.નગર પોલીસ મથકના પીઆઈ વી.આર.વસાવાની રાહબરી હેઠળ પીએસઆઇ એ.આઇ.બેલિમ તથા તેમની ટીમ પેટ્રોલિંગમાં હતી. દરમિયાન મળેલી બાતમીના આધારે ગાયકવાડી શેરી નંબર 4 પાસે ચારબાઇ મંદિર નજીક રહેતા શાબીર અયુબભાઈ શેખ (ઉ.વ 21) ના મકાનમાં દરોડો પાડી અહીં ઘોડી પાસાનો જુગાર રમતા ત્રણ મહિલા સહિત છ શખસોને ઝડપી લીધા હતા. જેમાં શાબીર શેખ ઉપરાંત બશીર ઈબ્રાહીમભાઇ ફકીર, જગદીશ ઉર્ફે રાજુ મોતીભાઈ બસરાણી, મુસ્કાન શાબીરભાઈ શેખ, યાસ્મીન શાહરૂખભાઇ ફકીર અને સમીમબેન હુસેનભાઇ ફકીરનો સમાવેશ થાય છે. પોલીસે દરોડા દરમિયાન રૂ. 17,700 ની રોકડ કબજે કરી જરૂરી કાર્યવાહી કરી હતી.

જુગારના અન્ય દરોડામાં પીસીબીની ટીમે શહેરના દૂધસાગર રોડ પર ગુજરાત હાઉસિંગ બોર્ડ ક્વાર્ટર નંબર 604 માં રહેતા અસલમ કોલીયાના કવાર્ટરમાં દરોડો પાડી અહીં જુગાર રમતા છ શખસોને ઝડપી લીધા હતા. પોલીસે પટમાંથી રોકડ રૂપિયા ૩૫૧૦૦ કબજે કરી જરૂરી કાર્યવાહી કરી હતી. જુગાર રમતા ઝડપાયેલા શખસમાં અસલમ અલ્લારખાભાઈ કોલીયા, મહેન્દ્ર છગનભાઈ પટેલ, અજીત સમસુદ્દીનભાઈ ગિલાણી, નરેન્દ્ર છગનભાઈ ગઢકા, કાના દિલીપભાઈ મકવાણા અને ઇમરાન સાજીદભાઈ જુણેજાનો સમાવેશ થાય છે.

જ્યારે એ ડિવિઝન પોલીસે ગોંડલ રોડ પર વિજય પ્લોટ શેરી નંબર 15 ના ખૂણા પાસે જાહેરમાં વરલીના આંકડા લઇ જુગાર રમાઈ રહેલા પરેશ દેવજીભાઈ ચુડાસમાને ઝડપી લઇ તેની સામે ગુનો નોંધી કાયદેસરની કાર્યવાહી કરી હતી.