શેરબજારે આજે મજબૂતી સાથે વેપાર શરૂ કર્યો. વૈશ્વિક બજારોમાં મિશ્ર વલણો વચ્ચે, બીએસઈ સેન્સેક્સ અનેએનએસઈ નિફ્ટી બંને વધારા સાથે ખુલ્યા અને લીલા નિશાનમાં ટ્રેડ થતા જોવા મળ્યા. પ્રી-ઓપનિંગ સેશનમાં, સેન્સેક્સ ૧૬૮.૪૯ પોઈન્ટ (૦.૨૩%) વધીને ૭૪,૨૭૦.૮૧ પર બંધ રહ્યો. તે જ સમયે, નિફ્ટી 38.45 પોઈન્ટ (0.17%) ના વધારા સાથે 22,536.35 પોઈન્ટ પર હતો.સવારે 9:15 વાગ્યે, સેન્સેક્સ 236.57 પોઈન્ટ (0.32%) વધીને 74,338.89 પર પહોંચ્યો. નિફ્ટી પણ ૬૬.૪૫ પોઈન્ટ (૦.૩૦%) ના વધારા સાથે ૨૨,૫૬૪.૩૫ પોઈન્ટ પર ટ્રેડ થઈ રહ્યો હતો.

અદાણી ગ્રુપના લગભગ તમામ શેર લીલા નિશાનમાં ખુલ્યા હતા. જેમાં અદાણી એનર્જી સોલ્યુશન્સ, અદાણી પોર્ટ્સ, અદાણી ટોટલ ગેસ અને અદાણી પાવરના શેરમાં 1% થી વધુનો વધારો નોંધાયો હતો.શરૂઆતના કારોબારમાં ટાટા મોટર્સ, સન ફાર્મા, પાવર ગ્રીડ કોર્પ, રિલાયન્સ ઇન્ડસ્ટ્રીઝ અને NTPC સૌથી વધુ વધ્યા હતા. જ્યારે ઇન્ડસઇન્ડ બેંક, ઇન્ફોસિસ, વિપ્રો, ટીસીએસ અને ટ્રેન્ટ શરૂઆતના વેપારમાં નુકસાન સાથે કારોબાર કરી રહ્યા હતા.

ભારતી એરટેલ અને સ્પેસએક્સના સોદામાં શેર 2% વધ્યો

ભારતી એરટેલે એલોન મસ્કના સ્પેસએક્સ સાથે ભાગીદારીની જાહેરાત કરી, જેના કારણે તેના શેર 2% થી વધુ વધ્યા. આ કરાર હેઠળ, સ્ટારલિંકની હાઇ-સ્પીડ ઇન્ટરનેટ સેવાઓ ભારતમાં એરટેલ દ્વારા પૂરી પાડવામાં આવશે. સ્ટારલિંક સેવાઓ એરટેલના રિટેલ સ્ટોર્સ દ્વારા વેચવામાં આવશે અને ગ્રામીણ વિસ્તારો, શાળાઓ, આરોગ્યસંભાળ કેન્દ્રો અને વ્યવસાયિક ગ્રાહકો સુધી પહોંચાડવામાં આવશે.

ઇન્ડસઇન્ડ બેંકના શેરમાં ઘટાડો ચાલુ

ઇન્ડસઇન્ડ બેંકના શેરમાં તીવ્ર ઘટાડો જોવા મળ્યો. આજે શેરના ભાવમાં 5% થી વધુનો ઘટાડો થયો, જેના કારણે ઇન્ડસઇન્ડ બેંકના શેર દબાણ હેઠળ હોવાનો સતત છઠ્ઠો દિવસ બન્યો. બેંકના ડેરિવેટિવ પોર્ટફોલિયોમાં વિસંગતતાઓ અને બજારમાં તાજેતરમાં થયેલી વેચવાલીથી ઘટાડાને વધુ વેગ મળ્યો.ગઈકાલે, ઇન્ડસઇન્ડ બેંકના શેર 27.17 ટકા ઘટીને રૂ. 655.95 પર બંધ થયા હતા. ગઈકાલના ટ્રેડિંગ દરમિયાન શેરનો ભાવ એક વર્ષના નીચલા સ્તરે રૂ. ૬૪૯ પર પહોંચી ગયો હતો.

યુએસ માર્કેટમાં દબાણ

મંગળવારે યુએસ શેરબજારો પર દબાણ હતું અને મુખ્ય સૂચકાંકો ઘટાડા સાથે બંધ થયા હતા. એસ&પી 500 ઇન્ડેક્સ 10% ઘટીને 5,528.41 પોઈન્ટ પર બંધ રહ્યો. નાસ્ડેક અને ડાઉ જોન્સમાં પણ નબળાઈ જોવા મળી. અમેરિકાના રાષ્ટ્રપતિ ડોનાલ્ડ ટ્રમ્પે નવા ટેરિફ પ્રતિબંધોની જાહેરાત કર્યા પછી બજારમાં મંદીનો માહોલ જોવા મળ્યો.

એશિયન બજારોમાં મિશ્ર વલણ

ડોનાલ્ડ ટ્રમ્પની સતત બદલાતી વેપાર નીતિઓ અને યુએસ અર્થતંત્રમાં મંદીની ચિંતા વચ્ચે બુધવારે એશિયન શેરબજારો મોટાભાગે નીચા રહ્યા હતા. ટોક્યો, સિઓલ, જકાર્તા અને તાઈપેઈમાં નજીવો વધારો નોંધાયો હતો, જ્યારે હોંગકોંગ, શાંઘાઈ, સિંગાપોર, વેલિંગ્ટન અને મનીલામાં ઘટાડો નોંધાયો હતો.

રોકાણકારોની નજરસીપીઆઈ ડેટા પર

બજારની ભાવિ ચાલ યુએસ કન્ઝ્યુમર ફુગાવા રિપોર્ટ પર આધારિત રહેશે. આ ડેટા ફુગાવાના દર અને વ્યાજ દરો અંગે ફેડરલ રિઝર્વની સંભવિત નીતિ અંગે સ્પષ્ટતા પ્રદાન કરશે. ભારતીય રોકાણકારો પણ આના પર નજર રાખશે, કારણ કે અમેરિકન નીતિ ભારતીય બજારો પર પણ અસર કરી શકે છે.