ઈલેક્ટ્રોનિક વોટિંગ મશીન (ઈવીએમ ) પર વોટર વેરિફાઈડ પેપર ઓડિટ ટ્રેલ્સ (વિવીપીએટી ) વડે 100 ટકા વોટ વેરિફિકેશનની માંગણી કરતા કેસમાં સુપ્રીમ કોર્ટે ચુકાદો આપ્યો હતો. કોર્ટે તમામ અરજીઓ ફગાવી દીધી હતી અને સૂચવ્યું હતું કે ચૂંટણી પંચે ભવિષ્યમાં વિવીપીએટી  સ્લિપમાં બાર કોડ પર પણ વિચાર કરવો જોઈએ.

સર્વોચ્ચ અદાલતે કહ્યું કે પરિણામોની ઘોષણા પછી, ઉમેદવારોની વિનંતી પર એન્જિનિયરોની ટીમ દ્વારા માઇક્રોક્ધટ્રોલર ઇવીએમમાં બર્ન મેમરીની તપાસ કરી શકાય છે. ઉમેદવારે પરિણામ જાહેર થયાના 7 દિવસની અંદર આ વિનંતી કરવાની રહેશે.વાસ્તવમાં, ચૂંટણી દરમિયાન ઈલેક્ટ્રોનિક વોટિંગ મશીન (ઈવીએમ ) દ્વારા પડેલા મત સાથે વોટર-વેરીફાઈબલ પેપર ઓડિટ ટ્રેઈલ (વિવીપીએટી ) સ્લિપ્ને મેચ કરવાની સૂચનાઓ માંગતી અનેક અરજીઓ સુપ્રીમ કોર્ટમાં દાખલ કરવામાં આવી હતી. કોર્ટે 18 એપ્રિલે સુનાવણી પૂરી કરી અને ચુકાદો અનામત રાખ્યો. ત્યારબાદ થોડી વધુ માહિતી લીધા બાદ કોર્ટે બુધવારે બીજી વખત સુનાવણી કરી અને પછી નિર્ણય સુરક્ષિત રાખ્યો.

હાલમાં વિવીપીએટી  વેરિફિકેશન હેઠળ લોકસભા મતવિસ્તારના દરેક વિધાનસભા મતવિસ્તારના માત્ર પાંચ મતદાન મથકોના ઈવીએમ  વોટ અને વિવીપીએટી  સ્લિપ મેચ થાય છે. આ મહિનાની શરૂઆતમાં, સુપ્રીમ કોર્ટે ચૂંટણીમાં ફક્ત પાંચ રેન્ડમલી પસંદ કરેલ ઈવીએમ  ને ચકાસવાને બદલે તમામ ઈવીએમ  મતો અને વિવીપીએટી  સ્લિપ્સની ગણતરીની માંગ કરતી અરજી પર ને નોટિસ જારી કરી હતી.

આ પહેલા બુધવારે સુપ્રીમ કોર્ટે કહ્યું હતું કે અમે કોઈપણ અન્ય બંધારણીય સત્તાના કામકાજને નિયંત્રિત કરી શકતા નથી. ચૂંટણી પંચે અમારી શંકાઓ દૂર કરી છે. અમે તમારી વિચાર પ્રક્રિયા બદલી શકતા નથી. અમે શંકાના આધારે આદેશ જારી કરી શકતા નથી. કોર્ટે ઈવીએમની કામગીરીને લગતા ચાર-પાંચ પ્રશ્નો પર ચૂંટણી પંચ પાસેથી જવાબ માંગ્યા હતા. કોર્ટે કહ્યું કે અમને વધુ માહિતીની જરૂર છે. કારણ કે અમને મામલાના તળિયે એટલે કે ઊંડાણમાં માહિતી જોઈએ છે. જસ્ટિસ ખન્નાએ કહ્યું, અમે વારંવાર પૂછાતા પ્રશ્નોનો અભ્યાસ કર્યો. અમને ફક્ત ત્રણ-ચાર સ્પષ્ટતા જોઈએ છે.