સુપ્રીમ કોર્ટે ગઈકાલે રિલાયન્સ ઇન્ડસ્ટ્રીઝ લિમિટેડ અને તેના બે અધિકારીઓ દ્વારા સિક્યોરિટીઝ એપેલેટ ટ્રિબ્યુનલ (એસએટી)ના નિર્ણયને પડકારતી અરજી ફગાવી દીધી હતી. એસએટી એ જિયો-ફેસબૂક સોદા અંગે શેરબજારને તાત્કાલિક સ્પષ્ટતા ન આપવા બદલ બજાર નિયમનકાર સિક્યોરિટીઝ એન્ડ એક્સચેન્જ બોર્ડ ઓફ ઇન્ડિયા (સેબી) દ્વારા લાદવામાં આવેલા દંડને સમર્થન આપ્યું હતું.

મૂડી બજાર નિયમનકાર સેબીએ જિયો-ફેસબૂક સોદા અંગે શેરબજારને તાત્કાલિક સ્પષ્ટતા ન આપવા બદલ રિલાયન્સ, સાવિત્રી પારેખ અને કે. સેથુરામન પર કુલ 30 લાખ રૂપિયાનો દંડ ફટકાર્યો હતો. મીડિયા અહેવાલો દ્વારા આ વાત બહાર આવી હતી. એસએટી દ્વારા બે મે, 2025ના રોજના તેના નિર્ણયમાં સેબીને દંડના સમર્થન આપવામાં આવ્યું હતું.

મુખ્ય ન્યાયાધીશ સૂર્યકાંત અને ન્યાયાધીશ જોયમલ્યા બાગચીની બેન્ચે એસએટીના નિર્ણયમાં દખલ કરવાનો ઇનકાર કર્યો હતો, સેબીના તારણોને અસરકારક રીતે સમર્થન આપ્યું કે રિલાયન્સ અને તેના પાલન અધિકારીએ હિસ્સાના વેચાણ સંબંધિત અપ્રકાશિત ભાવ-સંવેદનશીલ માહિતી તાત્કાલિક જાહેર કરવામાં નિષ્ફળ ગયા.

સર્વોચ્ચ અદાલતે જણાવ્યું હતું કે એસએટીના તારણો દખલગીરીને પાત્ર નથી અને નિર્ણય લેવાની જરૂર હોય તેવું કોઈ કાનૂની પાસું નથી. સેબીના ન્યાયાધીશ અધિકારીએ જૂન 2022માં તારણ કાઢ્યું હતું કે રિલાયન્સે ઇનસાઇડર ટ્રેડિંગ રેગ્યુલેશન્સ રેગ્યુલેશન્સના શેડ્યૂલ એના સિદ્ધાંત ચારનું ઉલ્લંઘન કર્યું છે અને રૂ.30 લાખનો સંયુક્ત દંડ લાદ્યો હતો