શહેરના મોરબી રોડ પરના વિસ્તારમાં રહેતા પરિવારની ૧૬ વર્ષની દીકરી સ્કૂલે જવા માટે ગયા બાદ લાપતા બની હતી. બાદમાં તેણે ફોન કરી કહ્યું હતું કે હત્પં જાઉં છું મને શોધતા નહીં હત્પં એકલી જાઉં છું. તેમ કહી ફોન કટ કરી નાખ્યો હતો. ત્યારબાદ દીકરીનો કોઈ પતો ન લાગતા અંતે આ બાબતે દીકરીની માતાએ પોલીસ ફરિયાદ કરતા પોલીસે અપહરણનો ગુનો નોંધી સગીરાના સગડ મેળવવા શોધખોળ શ કરી છે.
જાણવા મળતી વિગતો મુજબ, મોરબી રોડ પરના વિસ્તારમાં રહેતા ૩૮ વર્ષીય મહિલાએ બી ડિવિઝન પોલીસ સ્ટેશનમાં નોંધાવેલી ફરિયાદમાં જણાવ્યું હતું કે, તેમને સંતાનમાં બે દીકરીઓ છે. જેમાં મોટી દીકરી ૧૬ વર્ષની છે.
ગત તારીખ ૨૪ ના સવારના મોટી દીકરી નિત્યક્રમ મુજબ શાળાએ ગઈ હતી પરંતુ બાદમાં પોણા ત્રણ વાગ્યે આસપાસ ફરિયાદીના મોબાઇલમાં કોઈ અજાણ્યા નંબર પરથી ફોન આવ્યો હતો અને દીકરી ફોનમાં વાત કરતી હતી તેણે કહ્યું હતું કે હત્પં જાઉં છું મને તમે ગોતતા નહીં જેથી ફરિયાદીએ પૂછયું હતું કે તું કયાં અને કોની સાથે જાય છે? ત્યારે દીકરીએ કહ્યું હતું કે હત્પં એકલી જાઉં છું બાદમાં તેણે ફોન કટ કરી નાખ્યો હતો. ત્યારબાદ આ નંબર પર કોલ કરતા ફોન સ્વીચ ઓફ આવતો હતો. જેથી પ્રથમ ખાનગી રાહે શોધખોળ કર્યા બાદ દીકરીની માતાએ આ અંગે પોલીસને જાણ કરી હતી. પોલીસે અપહરણનો ગુનો નોંધી સગીરાના સગડ મેળવવા શ કરી છે