બોલીવુડના દિગ્ગજ અભિનેતા ધર્મેન્દ્રનું અવસાન થયું છે, જેના કારણે ભારતીય ફિલ્મ ઉદ્યોગ અને તેમના લાખો ચાહકો શોકમાં ડૂબી ગયા છે. અહેવાલમાં જણાવાયું છે કે દિગ્ગજ અભિનેતાના મૃતદેહને લઈને એક એમ્બ્યુલન્સ તેમના મુંબઈ નિવાસસ્થાનથી બહાર નીકળતી જોવા મળી હતી.

પુત્રી એશા દેઓલ ચહેરો ઢાંકી ગમગીન જોવા મળી 

ધર્મેન્દ્રના મૃત્યુના સમાચાર મળતાં જ તેમનો આખો પરિવાર ઘરે દોડી ગયો. આ દરમિયાન, એશા દેઓલ તેના પિતાના મૃત્યુથી ખૂબ જ દુઃખી દેખાતી હતી. તેણે સફેદ દુપટ્ટાથી પોતાનો ચહેરો ઢાંકી દીધો હતો.

પૌત્ર કરણ દેઓલ ખૂબ જ ઉદાસ દેખાયો 

ધર્મેન્દ્રનું અવસાન થયું છે, અને તેમનો આખો પરિવાર ઘરે પહોંચી ગયો છે. આ દરમિયાન, ઘરની બહારથી સ્વર્ગસ્થ અભિનેતાના પૌત્ર કરણ દેઓલનો એક ફોટો સામે આવ્યો છે, જે ખૂબ જ ઉદાસ દેખાઈ રહ્યો છે.

હેમા માલિની સફેદ સાડીમાં જોવા મળી 

ધર્મેન્દ્રના મૃત્યુથી બોલિવૂડમાં શોકની લાગણી છવાઈ ગઈ છે. અભિનેતાના ઘરે અનેક સેલિબ્રિટીઝ પહોંચી રહ્યા છે. હેમા માલિની પણ સફેદ સાડીમાં જોવા મળી હતી.

ધર્મેન્દ્રના મૃત્યુના સમાચાર પછી, પીઢ અભિનેતા અમિતાભ બચ્ચન અને અભિષેક બચ્ચન મુંબઈના વિલે પાર્લે સ્મશાનગૃહ પહોંચ્યાનો એક વીડિયો સામે આવ્યો છે.